D A I L Y  M A L A Y A L A M  N E W S

Archives
SUBSCRIBE
നടി റിനി ആൻ ജോർജ് പറവൂരിൽ സിപിഎം വേദിയിൽ; പാർട്ടിയിലേക്ക് സ്വാ​ഗതം ചെയ്ത് കെ ജെ ഷൈൻ
കെ.ജെ. ഷൈനിനെതിരായ സൈബർ ആക്രമണത്തിൽ പ്രതിഷേധിക്കാൻ നോർത്ത് പറവൂരിൽ സി.പി.എം. സംഘടിപ്പിച്ച പ്രതിഷേധ യോഗത്തിലാണ് റിനി പങ്കെടുത്തത്

കൊച്ചി:പാലക്കാട് എംഎൽഎ രാഹുൽ മാങ്കൂട്ടത്തലിനെതിരെ ആരോപണം ഉന്നയിച്ച നടി റിനി ആൻ ജോർജ് സി.പി.എം. വേദിയിൽ. കെ.ജെ. ഷൈനിനെതിരായ സൈബർ ആക്രമണത്തിൽ പ്രതിഷേധിക്കാൻ നോർത്ത് പറവൂരിൽ സി.പി.എം. സംഘടിപ്പിച്ച പ്രതിഷേധ യോഗത്തിലാണ് റിനി പങ്കെടുത്തത്.

സി.പി.എം. നേതാവ് കെ.ജെ. ഷൈൻ റിനിയെ പാർട്ടിയിലേക്ക് സ്വാഗതം ചെയ്തു. മുൻ മന്ത്രി കെ.കെ. ഷൈലജയാണ് പ്രതിഷേധയോഗം ഉദ്ഘാടനം ചെയ്തത്. രാഹുൽ മാങ്കൂട്ടത്തിൽ എം.എൽ.എയുടെ പേരെടുത്ത് പറയാതെ, സ്ത്രീകളെ സ്മാർത്തവിചാരം ചെയ്യുന്നവരുടെ കൂട്ടമാണ് റിനി വിശ്വസിക്കുന്ന രാഷ്ട്രീയ പാർട്ടിയെന്ന് കെ.ജെ. ഷൈൻ വിമർശിച്ചു.

"റിനിയെ പോലുള്ള സ്ത്രീകൾ ഈ പ്രസ്ഥാനത്തോടൊപ്പം ചേരണം. റിനിക്ക് സ്വതന്ത്രമായി തീരുമാനമെടുക്കാമെങ്കിലും തിരിച്ചറിവ് ഉണ്ടാകുന്ന സമയം ഞങ്ങൾ ഹൃദയപൂർവ്വം സ്വാഗതം ചെയ്യുന്നു," കെ.ജെ. ഷൈൻ പറഞ്ഞു. കെ.ജെ. ഷൈനിന് നേരെ നടന്ന പ്രചാരണങ്ങളുടെ പശ്ചാത്തലത്തിൽ കൂടിയാണ് സി.പി.എം. 'പെൺ പ്രതിരോധം' എന്ന പേരിൽ പരിപാടി സംഘടിപ്പിച്ചത്. 'എനിക്ക് ഒരു യുവനേതാവിൽനിന്ന് ചില മോശം സമീപനം നേരിടേണ്ടി വന്നു എന്നാണ് ഞാൻ തുറന്ന് പറഞ്ഞത്.

പക്ഷേ, ഒരു പ്രസ്ഥാനത്തെ വേദനിപ്പിക്കേണ്ട എന്ന് കരുതി ആ പ്രസ്ഥാനത്തിൻ്റെയോ വ്യക്തിയുടെയോ പേര് പറഞ്ഞിട്ടില്ല. ആരെയും തകർക്കണമെന്നല്ല എൻ്റെ ഉദ്ദേശം. രാഷ്ട്രീയത്തിലേക്ക് കടന്നുവരുന്ന യുവാക്കൾ ഇങ്ങനെയാണോ ആകേണ്ടത് എന്ന ചോദ്യമാണ് ഞാൻ ഉന്നയിച്ചത്. സ്ത്രീകളോട് ഇങ്ങനെയാണോ പെരുമാറേണ്ടത്. പേര് പറയാതിരുന്നിട്ടും എനിക്ക് നേരെ വൻതോതിലുള്ള ഭയനാകരമായ സൈബർ ആക്രമണമാണ് ഉണ്ടായത്,' റിനി കൂട്ടിച്ചേർത്തു.

Leave a Reply

Your email address will not be published. Required fields are marked *