വാഷിംഗ്ടൺ: നിയുക്ത വേൾഡ് മലയാളി കൗൺസിൽ പ്രസിഡന്റ് ഡോ. ബാബു സ്റ്റീഫന് വാഷിംഗ്ടൺ ഡിസിയിൽ സ്വീകരണം. തായ്‌ലൻഡിൽ വച്ച് നടന്ന വേൾഡ് മലയാളി കൗൺസിലിന്റെ ആഗോള കൺവെൻഷനിൽ വച്ചാണ് ബാബു സ്റ്റീഫൻ പ്രസിഡന്റായി തിരഞ്ഞെടുക്കപ്പെട്ടത്. വാഷിംഗ്ടൺ ഡിസിയിലുള്ള സംഘടനകൾ ഒത്തുചേർന്നാണ് സ്വീകരണം ഒരുക്കുന്നത്.
സംഘടനകളായ കൈരളി ബാൾട്ടിമോർ, കെസിഎസ്, കെഎജെഡബ്ളിയു, ഗ്രാമം അസോസിയേഷനുകൾ ചേർന്നാണ് സെപ്റ്റംബർ ആറാം തീയതി ഉജ്ജ്വല സ്വീകരണവും വര വേൽപ്പും ഒരുക്കുന്നത്.വേൾഡ് മലയാളി കൗൺസിലിന് ഒരു പുതിയ ദിശ ബോധവും ഉയർന്ന സ്ഥലങ്ങളിലേക്കും എത്തിക്കാൻ ബാബു സ്റ്റീഫന് ആകുമെന്നാണ് പ്രതീക്ഷയെന്ന് വിവിധ അസോസിയേഷനുകളുടെ ഭാരവാഹികൾ സംയുക്ത പ്രസ്താവനയിൽ പറഞ്ഞു.
ഡോക്ടർ ബാബു സ്റ്റീഫന്റെ സ്വീകരണം ഒരു ഗംഭീര ചടങ്ങ് ആക്കുവാനുള്ള ഒരുക്കത്തിലാണ് വിവിധ സംഘടനകൾ. വൈൽഡ് ലയ്ക് ഇന്റർഫെയ്ത് സെന്ററിൽ വെച്ച് വൈകിട്ട് 5 30നാണ് പരിപാടി. ചടങ്ങിൽ ഗ്ലോബൽ ചെയർമാൻ തോമസ് മൊറ്റക്കൽ, ഡോ. ഷിബു സാമുവൽ ( ചെയർമാൻ), ബ്ലെസൺ മണ്ണിൽ( പ്രസിഡന്റ് ), മഞ്ജു നീലിവീട്ടിൽ( ജനറൽ സെക്രട്ടറി ), മോഹൻ അറുമുഖം ( ട്രഷറർ ), സോണിയ തോമസ് അമേരിക്ക മേഖല വൈസ് പേഴ്‌സൺ എന്നിവരും കൂടാതെ വേൾഡ് മലയാളി കൗൺസിൽ സ്ഥാപക അംഗങ്ങളായ ഡോ. ജോർജ് ജേക്കബ്, മറിയാമ്മ ജേക്കബ്, ഫിലിപ്പ് മാറാട്ട്, തോമസ് മാത്യു (ബാൾട്ടിമോർ) തുടങ്ങിയവർ പങ്കെടുക്കും.