D A I L Y  M A L A Y A L A M  N E W S

Archives
SUBSCRIBE
M B Rajesh: ‘കൂറ്റനാട് ഒബാമ വരുമെന്ന് പരിഹസിച്ചവർക്ക് സമർപ്പിക്കുന്നു’; മെസ്സി മാത്രമല്ല ഇനിയും പലരും വരും: എം ബി രാജേഷ്
വിമർശനം ഉന്നയിച്ചവരെ പരോക്ഷമായി പരിഹസിച്ചുകൊണ്ടാണ് മന്ത്രിയുടെ പ്രതികരണം. ഫേസ്ബുക്കിലൂടെയായിരുന്നു മന്ത്രിയുടെ പ്രതികരണം.

തിരുവനന്തപുരം: കാൽപന്തുകളിയുടെ രാജകുമാരൻ ലയണൽ മെസ്സിയും അർജന്റീന ടീമും കേരളത്തിലേക്ക് എത്തുമെന്ന വാർത്തയിൽ പ്രതികരിച്ച് മന്ത്രി എം.ബി. രാജേഷ്. മെസ്സിയുടെ സന്ദർശനവുമായി ബന്ധപ്പെട്ട് നേരത്തെ വിമർശനം ഉന്നയിച്ചവരെ പരോക്ഷമായി പരിഹസിച്ചുകൊണ്ടാണ് മന്ത്രിയുടെ പ്രതികരണം. ഫേസ്ബുക്കിലൂടെയായിരുന്നു മന്ത്രിയുടെ പ്രതികരണം.

ഇത് മെസ്സി വരില്ലെന്ന് ആഘോഷിച്ചവർക്കും കൂറ്റനാട് ഒബാമ വരുമെന്ന് പരിഹസിച്ചവർക്കും സമർപ്പിക്കുന്നു. കണ്ണുനിറയെ കണ്ടോളൂ, ദുഃഖം കൊണ്ട് കണ്ണ് നിറച്ചോളു. മെസ്സി മാത്രമല്ല ഇനിയും പലരും വരും. ഇത് ടീം എൽ ഡി എഫാണ് കായിക മന്ത്രി വി. അബ്ദുറഹ്മാനും റിപ്പോർട്ടർ ടിവിക്കും അഭിനന്ദനങ്ങൾ. എന്നാണ് മന്ത്രി കുറിച്ചത്.

നവംബർ 10നും 18നും ഇടയിലുള്ള തീയതികളിലാണ് അർജന്റീന ടീം കേരളത്തിൽ എത്തുക. ഫിഫ അനുവദിച്ച നവംബർ വിൻഡോയിൽ ലുവാണ്ടയിലും കേരളത്തിലും ടീം സൗഹൃദ മത്സരങ്ങൾ കളിക്കും. എന്നാൽ എതിർ പോരാളികൾ ആരെന്ന കാര്യത്തിൽ ഇനിയും തീരുമാനം ഉണ്ടായിട്ടില്ല.

Leave a Reply

Your email address will not be published. Required fields are marked *