ചുരുങ്ങിയ കാലം കൊണ്ട് മലയാളി പ്രേക്ഷകരുടെ മനസ്സിൽ മികച്ച നടൻ എന്ന സ്ഥാനം ഉറപ്പിച്ച വ്യക്തിയാണ് ടൊവിനോ തോമസ്. സജീവൻ അന്തിക്കാട് സംവിധാനം ചെയ്ത 'പ്രഭുവിന്റെ മക്കൾ' എന്ന ചിത്രത്തിലൂടെയാണ് ടൊവിനോ വെള്ളിത്തിരയിൽ അരങ്ങേറ്റം കുറിക്കുന്നത്.
ശേഷം നിരവധി ചിത്രങ്ങളിൽ അഭിനയിച്ചെങ്കിലും താരത്തിന് വേണ്ടത്ര ശ്രദ്ധ നേടാൻ സാധിച്ചിരുന്നില്ല. പിന്നീട് നടൻ എന്ന രീതിയിൽ ടൊവിനോയ്ക്ക് മികച്ച ബ്രേക്കിംഗ് നൽകിയ ചിത്രം 'എന്ന് നിന്റെ മൊയ്തീൻ ആയിരുന്നു'. സിനിമയിൽ മൊയ്തീനും കാഞ്ചനമാലയ്ക്കും ഒപ്പം പ്രേക്ഷകർ ഓർത്തുനിൽക്കുന്ന കഥാപാത്രമായി പെരുമ്പറമ്പിൽ അപ്പു മാറി.
ചിത്രം കണ്ട ആരും അപ്പു എന്ന കഥാപാത്രത്തെ പെട്ടെന്ന് മറക്കാൻ സാധിക്കില്ല. പിന്നീട് ഗപ്പി, ഒരു മെക്സിക്കൻ അപാരത, ഗോദ തുടങ്ങിയ ഹിറ്റുകൾ സമ്മാനിച്ചുകൊണ്ട് മലയാള സിനിമയിൽ ടോവിനോ തന്റെ സ്ഥാനം ഉറപ്പിച്ചു. മായാനദിയിലെ മാത്തനായും ആമിയിലെ ശ്രീകൃഷ്ണനായും എന്റെ ഉമ്മാന്റെ പേര് എന്ന സിനിമയിൽ ഹമീദ് ആയും താരം പ്രേക്ഷകരെ വിസ്മയിപ്പിച്ചു.
ഒടുക്കം മിന്നൽ മുരളിയിൽ സൂപ്പർമാൻ പരിവേഷത്തിലൂടെ കുട്ടി പ്രേക്ഷകരുടെയും ഹീറോയായി ടൊവിനോ മാറി. ഇപ്പോഴിതാ അവതാരക രഞ്ജിനി ഹരിദാസിനൊപ്പം ഉള്ള ഒരു അഭിമുഖത്തിൽ തന്റെ ജീവിതത്തിൽ ഉണ്ടായ വലിയ മാറ്റത്തെക്കുറിച്ച് തുറന്നു സംസാരിക്കുകയാണ് ടൊവിനോ. ജീവിതത്തിൽ വിജയങ്ങൾ ടോവിനോയിൽ മാറ്റം വരുത്തിയോ എന്ന രഞ്ജിനിയുടെ ചോദ്യത്തിന് പ്രതികരിക്കുകയായിരുന്നു.
വിജയങ്ങൾ വരുന്നതിനു മുന്നേയുള്ള തന്നെക്കാൾ കുറച്ചുകൂടെ ഭേദപ്പെട്ട മനുഷ്യനാണ് താൻ ഇപ്പോൾ എന്ന് തനിക്ക് തന്നെ തോന്നിയിട്ടുണ്ടെന്ന് ടൊവിനോ തോമസ്. അന്ന് എനിക്ക് കാര്യങ്ങളെക്കുറിച്ചൊന്നും വലിയ അറിവില്ലായിരുന്നു. ഇരുപത്തിമൂന്നാമത്തെ വയസ്സിലാണ് സിനിമയിലേക്ക് എത്തുന്നത്. വിജയങ്ങളൊന്നും തന്നെ തലയിലേക്ക് ഇതുവരെ കടന്നിട്ടില്ലെന്നും.
കാരണം താൻ അന്നും ഇന്നും താമസിക്കുന്നത് കുടുംബത്തോടൊപ്പം ആണ്. അവിടെ എത്തിക്കഴിഞ്ഞാൽ അവർക്കൊപ്പം ഉള്ള ഒരാളായി മാറി. സുഹൃത്തുക്കൾക്കിടയിലും അങ്ങനെ തന്നെ. അറിയാത്തവർക്കിടയിലാണ് സെലിബ്രിറ്റി എന്നൊന്ന് ഉള്ളത്. അറിയുന്നവർക്കിടയിൽ അതില്ല എന്നും ടോവിനോ പറയുന്നു. ഗ്രീൻ റൂം ബൈ രഞ്ജിനി ഹരിദാസ് എന്ന ഷോയിൽ സംസാരിക്കുകയായിരുന്നു താരം.
(Summary: Actor Tovino Thomas says he feels like he's a better person now than he was before his successes. Tovino says he didn't much knowledge about life back then.) PHOTO CREDIT: TOVINO THOMAS/INSTAGRAM