ഇന്ത്യൻ ക്രിക്കറ്റ് ഇതിഹാസം സച്ചിൻ ടെണ്ടുൽക്കറുടെ മകനായ അർജുൻ ടെണ്ടുൽക്കർ വിവാഹിതനാകുന്നു. സാനിയ ചന്ദോക്കാണ് വധു. ഇരുവരും തമ്മിലുള്ള വിവാഹനിശ്ചയം കഴിഞ്ഞതായി ദേശീയ മാധ്യമങ്ങൾ റിപ്പോർട്ട് ചെയ്തു. ഇന്ത്യ ടുഡേയുടെ റിപ്പോർട്ട് പ്രകാരം, മുംബൈയിലെ പ്രമുഖ വ്യവസായി രവി ഘായിയുടെ ചെറുമകളാണ് സാനിയ ചാന്ദോക്ക്.

ബുധനാഴ്ച നടന്ന അർജുന്റെ വിവാഹനിശ്ചയ ചടങ്ങിൽ ഇരുകുടുംബത്തിന്റേയും അടുത്ത സുഹൃത്തുക്കളും കുടുംബാംഗങ്ങളും മാത്രമാണ് പങ്കെടുത്തത്. അതേസമയം സച്ചിൻ കുടുംബമോ ഘായ് കുടുംബമോ ഇനിയും വിവാഹനിശ്ചയ വാർത്തകൾ സ്ഥിരീകരിച്ചിട്ടില്ലെന്നും റിപ്പോർട്ട്.25 കാരനായ അർജുൻ ഇടംകൈയ്യൻ ഫാസ്റ്റ് ബൗളിംഗ് ഓൾറൗണ്ടറാണ്, ആഭ്യന്തര ക്രിക്കറ്റിൽ ഗോവയ്ക്കു വേണ്ടി കളിക്കുന്നു, കൂടാതെ ഐപിഎല്ലിൽ മുംബൈ ഇന്ത്യൻസിനും വേണ്ടി കളിച്ചിട്ടുണ്ട്.

മുംബൈയിലെ പ്രമുഖ ബിസിനസ്സ് കുടുംബങ്ങളിൽ നിന്നുള്ള സാനിയ, ജനശ്രദ്ധയിൽ നിന്ന് അകന്നു നിൽക്കാനാണ് ഇഷ്ടപ്പെടുന്നത്.
മുംബൈ ആസ്ഥാനമായുള്ള മിസ്റ്റർ പാവ്സ് പെറ്റ് സ്പാ & സ്റ്റോർ എൽഎൽപിയിൽ സാനിയ ചന്ദോക് നിയുക്ത പങ്കാളിയും ഡയറക്ടറുമാണെന്നും റിപ്പോർട്ടുകൾ ഉണ്ട്.