ഓൺലൈൻ വഴി മദ്യം വീട്ടിലെത്തിക്കാനുള്ള ബവ്കോയുടെ നീക്കത്തിനെതിരെ ഓർത്തഡോക്സ് സഭാധ്യക്ഷൻ പരിശുദ്ധ ബസേലിയോസ് മാർത്തോമ്മാ മാത്യൂസ് തൃതീയൻ കത്തോലിക്കാ ബാവാ. സർക്കാരിന്റെ മദ്യനയം ജലരേഖയായി എന്നും, മദ്യം വീടുകളിലേക്ക് എത്തിക്കാൻ കൂട്ടു നിൽക്കരുതെന്നും കതോലിക ബാവ പ്രതികരിച്ചു.
ഞങ്ങൾ തുറക്കുന്നത് നിങ്ങൾ പൂട്ടിയ ബാറുകൾ അല്ലാ സ്കൂളുകൾ ആണെന്ന് പരസ്യവാചകം നൽകിയവരാണ് ഇപ്പോൾ ആയിരത്തിലധികം ബാറുകൾ തുറന്നതെന്നും കതോലികാ ബാവ സർക്കാറിനെ കുറ്റപ്പെടുത്തി.
വിശപ്പിന് അരി വാങ്ങണമെങ്കിൽ റേഷൻ കടയിൽ പോയി വിരൽ പതിക്കണം. എന്നാൽ മദ്യം വീട്ടുപടിക്കൽ എത്തിച്ചു നൽകും. സർക്കാറിന്റെ മദ്യനയം വികലമാണെന്ന് ഘടകകക്ഷിയായ സിപിഐ കുറ്റപ്പെടുത്തിയതാണെന്നും ആരോഗ്യത്തിന് ഹാനികരമായത് വീട്ടിലേക്ക് എത്തിക്കരുതെന്നും പരിശുദ്ധ കതോലിക ബാവ ആവശ്യപ്പെട്ടു.
അതേസമയം ഓൺലൈൻ വഴിയുള്ള മദ്യ വിതരണ നടപടികൾ നിർത്തിവയ്ക്കാൻ ബവ്കോയ്ക്ക് എക്സൈസ് മന്ത്രിയുടെ നിർദ്ദേശം. മുഖ്യമന്ത്രിയുടെ നിർദ്ദേശപ്രകാരമാണ് മന്ത്രി എം ബി രാജേഷ് ഇടപെട്ടത്. മുഖ്യമന്ത്രിയുടെ നിർദ്ദേശപ്രകാരമാണ് എക്സൈസ് മന്ത്രിയുടെ ഇടപെടൽ.