15 പേരുടെ മരണത്തിന് ഇടയാക്കിയ തൃശൂർ വെടിക്കെട്ട് ദുരന്തത്തിൽ മരിച്ചവരിൽ പ്രശസ്ത മേക്കപ്പ് ആർട്ടിസ്റ്റ് ബിജീഷും. പൂരത്തിനോടും വെടിക്കെട്ടിനോടും ഉള്ള അടങ്ങാത്ത കമ്പമാണ് വെടിക്കെട്ട് നിർമ്മാണശാലയിൽ ബിജീഷിനെ എത്തിക്കുന്നത്. ഏത് തിരക്കിലും പൂരമായി കഴിഞ്ഞാൽ ബിജീഷ് വെടിക്കെട്ട് നിർമ്മാണത്തിനായി എത്തും. ഇവ നിർമ്മിക്കുവാനും കത്തിക്കുവാനും ഒക്കെ മുൻനിരയിൽ ബിജീഷും ഉണ്ടാകും. ദുരന്ത ദിവസവും രാവിലെ പതിവുപോലെ ബാഗുമായി വീട്ടിൽ നിന്നും ഇറങ്ങിയതാണ്. എന്നാൽ ഇവിടെക്കാണ് വന്നത് എന്ന കാര്യം വീട്ടുകാർക്ക് അറിയില്ലായിരുന്നു. ഇതിനിടെ എപ്പോഴോ സുഹൃത്തുക്കൾക്ക് താൻ വെടിപ്പുരയിൽ ഉണ്ടെന്ന് മെസ്സേജ് അയച്ചിരുന്നു. ഇതോടെയാണ് ദുരന്തത്തിൽ ബിജീഷും ഇരയായ വിവരം വീട്ടുകാരും ലോകവും അറിയുന്നത്.