ഇറാനിൽ സാമ്പത്തിക സമ്മർദ്ദം ശക്തമാക്കാൻ യുഎസ് ശ്രമിക്കുന്നതിനിടെ, ഹോർമുസ് കടലിടുക്കിൽ വിപുലമായ യുഎസ് നാവിക ഉപരോധത്തിന് തയ്യാറെടുക്കാൻ പ്രസിഡന്റ് ഡൊണാൾഡ് ട്രംപ് തന്റെ സഹായികളോട് പറഞ്ഞതായി വാൾ സ്ട്രീറ്റ് ജേണൽ റിപ്പോർട്ട് ചെയ്തു. ബോംബാക്രമണം പുനരാരംഭിക്കുന്നതിനേക്കാൾ അല്ലെങ്കിൽ സംഘർഷത്തിൽ നിന്ന് യുഎസിനെ പൂർണ്ണമായും ഒഴിവാക്കുന്നതിനേക്കാൾ അപകടസാധ്യത കുറഞ്ഞ ഒരു ഓപ്ഷനാണിതെന്ന് ട്രംപ് നിർണ്ണയിച്ചുവെന്ന് മാധ്യമങ്ങൾ റിപ്പോർട്ട് ചെയ്തു.

കഴിഞ്ഞ 24 മണിക്കൂറിനുള്ളിൽ കുറഞ്ഞത് ഏഴ് കപ്പലുകളെങ്കിലും - പ്രധാനമായും ഡ്രൈ ബൾക്ക് കപ്പലുകൾ - ഹോർമുസ് കടലിടുക്ക് കടന്നിട്ടുണ്ടെന്ന് തിങ്കളാഴ്ച ഷിപ്പിംഗ് ഡാറ്റ വ്യക്തമാക്കുന്നു.കെപ്ലറിൽ നിന്നുള്ള കപ്പൽ ട്രാക്കിംഗ് ഡാറ്റയും ഡാറ്റാ അനലിറ്റിക്സ് വിദഗ്ധരായ സിൻമാക്സിൽ നിന്നുള്ള പ്രത്യേക ഉപഗ്രഹ വിശകലനവും അനുസരിച്ച്, ഇറാഖി തുറമുഖങ്ങളിൽ നിന്ന് പുറപ്പെടുന്ന കപ്പലുകളും ഇറാനിയൻ തുറമുഖത്ത് നിന്നുള്ള ഒരു ഡ്രൈ ബൾക്ക് കപ്പലും കപ്പലുകളിൽ ഉൾപ്പെടുന്നു.

പശ്ചിമേഷനിൽ വീണ്ടും യുദ്ധഭീതി ഉയർത്തി ഹോർമൂസ് കടലിടുക്കിൽ രണ്ട് കണ്ടെയ്നർ കപ്പലുകൾക്ക് നേരെ ഇറാൻ വെടിയുതിർത്തു. പാക്കിസ്ഥാനിൽ നടക്കാനിരുന്ന സമാധാന ചർച്ചകൾ പരാജയപ്പെട്ടത് പിന്നാലെയാണ് വീണ്ടും ആക്രമണമെന്നാണ് സൂചന. അമേരിക്കയും ഇറാനും തമ്മിലുള്ള വെടിനിർത്തൽ കരാർ അനിശ്ചിതമായ നീട്ടുകയാണെന്ന് അമേരിക്കൻ പ്രസിഡണ്ട് ഡൊണാൾഡ് ട്രംപിന് പ്രഖ്യാപനം വന്ന മണിക്കൂറുകൾക്കകം തന്നെ ആക്രമണം ഉണ്ടായി.

ഹോർമോസ് കടലിടുക്ക് വീണ്ടും അടച്ചിട്ട് ഇറാൻ. അമേരിക്കയുടെ ഉപരോധം തുടരുന്ന സാഹചര്യത്തിലാണ് നടപടി എന്ന് അറിയിച്ചു. ഹോർമൂസിന്റെ നിയന്ത്രണം ഇപ്പോൾ പൂർണ്ണമായും തങ്ങൾക്കാണെന്നും ഇറാൻ അറിയിച്ചു. കടലിടുക്ക് വഴിയുള്ള ഗതാഗതം പൂർണമായും നിരോധിച്ചതായും വ്യക്തമാക്കി.