ഇംഗ്ലീഷ് ഭാഷാ പരിജ്ഞാനത്തിനായുള്ള പരീക്ഷയിൽ പരാജയപ്പെട്ടതിനെ തുടർന്ന് യു.എസിൽ 10,000 ട്രക്ക് ഡ്രൈവർമാർക്ക് ജോലി നഷ്ടപ്പെട്ടു. പുതിയ സുരക്ഷാ, യോഗ്യതാ മാനദണ്ഡങ്ങളുടെ ഭാഗമായി ട്രക്ക് ഡ്രൈവർമാർക്ക് ഇംഗ്ലീഷ് ഭാഷയിൽ അടിസ്ഥാന പരിജ്ഞാനം നിർബന്ധമാക്കിയിരുന്നു. ഈ പരീക്ഷയിൽ വിജയിക്കാൻ കഴിയാതെ വന്നതോടെയാണ് ഇത്രയും ഡ്രൈവർമാർക്ക് ജോലിയിൽ തുടരാനാവാത്ത സ്ഥിതി വന്നത്.

ട്രക്കുകൾ ഓടിക്കുന്നവരുമായി ആശയവിനിമയം നടത്തേണ്ടതിന്റെ പ്രാധാന്യം കണക്കിലെടുത്താണ് അധികൃതർ ഈ നടപടി കർശനമാക്കിയത്. പ്രധാനമായും മറ്റ് രാജ്യങ്ങളിൽ നിന്ന് അമേരിക്കയിൽ എത്തി ഡ്രൈവർമാരായി ജോലി ചെയ്യുന്നവരെയാണ് ഈ നിയമം ബാധിച്ചത്. രാജ്യത്തെ ചരക്ക് ഗതാഗത മേഖലയിൽ കനത്ത തിരിച്ചടിയാണ് ഈ കൂട്ടപ്പിരിച്ചുവിടൽ ഉണ്ടാക്കിയിരിക്കുന്നത്. തൊഴിൽ നഷ്ടപ്പെട്ട ഡ്രൈവർമാർക്ക് ഇനി പരീക്ഷയിൽ വിജയിച്ചാൽ മാത്രമേ ജോലിയിൽ പ്രവേശിക്കാൻ സാധിക്കൂ.