D A I L Y  M A L A Y A L A M  N E W S

Archives
SUBSCRIBE
ജമ്മു കശ്മീരിൽ മലയാളി സൈനികന് വീരമൃത്യു

ജമ്മു കശ്മീരിലെ പൂഞ്ചിൽ പട്രോളിംഗിനിടെയുണ്ടായ അപകടത്തിൽ മലയാളി സൈനികന് വീരമൃത്യു. മലപ്പുറം ഒതുക്കുങ്ങൽ സ്വദേശി സുബേദാർ സജീഷ് കെ. (47) ആണ് മരിച്ചത്. ജമ്മുവിലെ പൂഞ്ചിലുള്ള സുരൻകോട്ട് മേഖലയിൽ പട്രോളിംഗ് നടത്തുന്നതിനിടെ കാൽ വഴുതി കൊക്കയിലേക്ക് വീണാണ് അപകടം സംഭവിച്ചതെന്ന് സൈന്യം അറിയിച്ചു.

ഇന്നലെയാണ് സംഭവം. കഴിഞ്ഞ 27 വർഷമായി ഇന്ത്യൻ സൈന്യത്തിൽ സേവനമനുഷ്ഠിച്ച് വരികയായിരുന്നു സജീഷ്. ആശുപത്രി നടപടിക്രമങ്ങൾ പൂർത്തിയാക്കിയ ശേഷം ഭൗതിക ശരീരം കരിപ്പൂർ വിമാനത്താവളത്തിൽ എത്തിച്ചു. നാളെ രാവിലെ മൃതദേഹം നാട്ടിൽ പൊതുദർശനത്തിന് വെക്കും.

Leave a Reply

Your email address will not be published. Required fields are marked *