വാഷിംഗ്ടൺ ഡി.സി.: തിങ്കളാഴ്ച വൈകുന്നേരം മധ്യ മേരിലാൻഡിൽ 2.5 തീവ്രത രേഖപ്പെടുത്തിയ നേരിയ ഭൂചലനം അനുഭവപ്പെട്ടു. യു.എസ്. ജിയോളജിക്കൽ സർവേയുടെ (USGS) കണക്കനുസരിച്ച്, വൈകുന്നേരം 5:17-നാണ് ഭൂചലനം ഉണ്ടായത്. കൊളംബിയയായിരുന്നു ഇതിൻ്റെ പ്രഭവകേന്ദ്രം. ഈ ഭൂചലനം സിൽവർ സ്പ്രിംഗ് വരെ അനുഭവപ്പെട്ടതായി ഏജൻസിയിൽ നിന്നുള്ള ഡാറ്റ സൂചിപ്പിക്കുന്നു.

ഈ തീവ്രതയിലുള്ള ഭൂകമ്പങ്ങളെ വളരെ ദുർബലമായാണ് കണക്കാക്കുന്നത്. നാശനഷ്ടങ്ങളോ പരിക്കുകളോ റിപ്പോർട്ട് ചെയ്തിട്ടില്ലെന്ന് ഹൊവാർഡ് കൗണ്ടി പോലീസ് ഡിപ്പാർട്ട്‌മെന്റ് എക്‌സിലൂടെ അറിയിച്ചു. വാഷിംഗ്ടൺ-ബാൾട്ടിമോർ ഇടനാഴിയിൽ കുറച്ച് വർഷത്തിലൊരിക്കൽ ചെറിയ ഭൂചലനങ്ങൾ അനുഭവപ്പെടാറുണ്ടെങ്കിലും കാര്യമായ നാശനഷ്ടങ്ങൾ വരുത്തിയിട്ടില്ലെന്ന് യു.എസ്. ജിയോളജിക്കൽ സർവേ വ്യക്തമാക്കുന്നു.

മേരിലാൻഡിൽ ഇതിനുമുമ്പ് 2024 ജനുവരി 2-ന് റോക്ക്‌വില്ലിന് സമീപം 2.3 തീവ്രത രേഖപ്പെടുത്തിയ ഭൂചലനം രേഖപ്പെടുത്തിയിട്ടുണ്ട്. 1978-ൽ വാഷിംഗ്ടൺ കൗണ്ടിയിലെ ഹാൻകോക്കിന് സമീപം രേഖപ്പെടുത്തിയ 3.1 തീവ്രതയുള്ള ഭൂചലനമാണ് സംസ്ഥാനത്ത് ഇതുവരെ സ്ഥിരീകരിച്ചിട്ടുള്ളതിൽ വെച്ച് ഏറ്റവും ശക്തമായ ഭൂകമ്പം.