ശ്രേയാസ് അയ്യരെ ഐസിയുവിൽ നിന്ന് മാറ്റിയതായി റിപ്പോർട്ട്. ആരോഗ്യനിലയിൽ പുരോഗതിയുണ്ടെങ്കിലും കുറച്ചു ദിവസം കൂടി ആശുപത്രിയിൽ തുടരേണ്ടി വരുമെന്നാണ് റിപ്പോർട്ട്. അതേസമയം സിഡ്നിയിലെ ആശുപത്രിയിൽ ചികിത്സയിലുള്ള ശ്രേയാസിൻ്റെ അടുത്തേക്കെത്താൻ താരത്തിൻ്റെ മാതാപിതാക്കൾ അടിയന്തിര വീസയ്ക്കായി അപേക്ഷ സമർപ്പിച്ചിട്ടുണ്ട്. വൈകാതെ തന്നെ ശ്രേയാസിൻ്റെ അടുത്തെത്തുമെന്നും റിപ്പോർട്ടുകളുണ്ട്.
താരത്തിൻ്റെ ആരോഗ്യനില നിരീക്ഷിക്കുന്നതിനായി ടീം ഡോക്ടറായ ഡോ. റിസ്‌വാൻ ഖാൻ ശ്രേയാസിനൊപ്പം സിഡ്നിയിൽ തന്നെ തുടരും. ആന്തരിക രക്തസ്രാവം ഉള്ളതിനാൽ താരത്തിൻ്റെ ആരോഗ്യനില കൃത്യമായി നിരീക്ഷിക്കേണ്ടതുണ്ട്. ഇന്ത്യ-ഓസ്ട്രേലിയ മൂന്നാം ഏകദിന മത്സരത്തിനിടെയാണ് ശ്രേയസിന് അപകടം സംഭവിച്ചത്. ഫീൽഡിങ്ങിനിടെയാണ് താരത്തിന് പരുക്കേറ്റത്. മൂന്നാം ഏകദിനത്തിൽ അലക്‌സ് കാരിയെ പുറത്താക്കാൻ തകർപ്പൻ ക്യാച്ചെടുത്തപ്പോഴാണ് താരത്തിന് പരുക്കേറ്റത്. പിന്നിൽ നിന്ന് ഓടിയെത്തി പന്ത് പിടിച്ചെടുത്തെങ്കിലും ഗ്രൗണ്ടിൽ വീണപ്പോൾ അയ്യർക്ക് വേദന അനുഭവപ്പെടുകയായിരുന്നു.തുടർന്നാണ് അദ്ദേഹം കളം വിട്ടത്.