മുംബൈ: ഇന്ത്യ-ഓസ്ട്രേലിയ മൂന്നാം ഏകദിന മത്സരത്തിനിടെ ഫീൽഡിങ്ങിനിടെ പരുക്കേറ്റ ക്രിക്കറ്റ് താരം ശ്രേയസ് അയ്യരെ തീവ്രപരിചരണ വിഭാഗത്തിലേക്ക് (ഐസിയു) മാറ്റി. മൂന്നാം ഏകദിനത്തിൽ അലക്‌സ് കാരിയെ പുറത്താക്കാൻ തകർപ്പൻ ക്യാച്ചെടുത്തപ്പോഴാണ് താരത്തിന് പരുക്കേറ്റത്. പിന്നിൽ നിന്ന് ഓടിയെത്തി പന്ത് പിടിച്ചെടുത്തെങ്കിലും ഗ്രൗണ്ടിൽ വീണപ്പോൾ അയ്യർക്ക് വേദന അനുഭവപ്പെടുകയായിരുന്നു.തുടർന്നാണ് അദ്ദേഹം കളം വിട്ടത്.
ആന്തരിക രക്തസ്രാവം ഉണ്ടായതിനെ തുടർന്നാണ് അദ്ദേഹത്തെ ഐസിയുവിലേക്ക് മാറ്റിയത്.ഫീൽഡിങ്ങിനിടെ വാരിയെല്ലിന് പരുക്കേറ്റ അയ്യരെ ഉടൻ തന്നെ സിഡ്‌നിയിലെ ആശുപത്രിയിൽ പ്രവേശിപ്പിച്ചിരുന്നു. കുറച്ചു ദിവസങ്ങളായി ശ്രേയസ് ഐസിയുവിൽ ചികിത്സയിലാണെന്നാണ് പുറത്തുവരുന്ന വിവരം.