ഹൂസ്റ്റൺ (ടെക്സസ്): ശനിയാഴ്ച ടെക്സസിൽ ഉണ്ടായ ശക്തമായ കാറ്റിലും ഹൂസ്റ്റൺ മേഖലയിൽ നാശനഷ്ടം. ശക്തമായ കാറ്റിനെ തുടർന്ന് 2,60,000-ത്തിലധികം ഉപഭോക്താക്കൾക്ക് വൈദ്യുതി തടസ്സപ്പെട്ടതായി റിപ്പോർട്ട്.

ഹൂസ്റ്റൺ മേഖലയിലാണ് ഏറ്റവും കൂടുതൽ നാശനഷ്ടങ്ങൾ റിപ്പോർട്ട് ചെയ്തിരിക്കുന്നത്. മണിക്കൂറിൽ 45 മുതൽ 60 മൈൽ വരെ വേഗത്തിലാണ് മേഖലയിൽ കാറ്റ് വീശിയത്. അതേസമയം ഹെംപ്സ്റ്റഡിൽ കാറ്റിന്റെ വേഗം 64 മൈൽ വരെ രേഖപ്പെടുത്തി. മെക്സിക്കോ ഉൾക്കടൽ തീരങ്ങളിൽ കൂടുതൽ മഴയും കാറ്റും തുടരാൻ സാധ്യതയുണ്ടെന്ന് ദേശീയ കാലാവസ്ഥാ കേന്ദ്രം മുന്നറിയിപ്പ് നൽകി.