ആഫ്രിക്കയിലെ മൊസാംബിക്കില്‍ ബോട്ട് മറിഞ്ഞ് ഇന്ത്യക്കാർക്ക് ദാരുണാന്ത്യം. 3 പേരാണ് മരിച്ചത്. എംടി സീ ക്വസ്റ്റ് എന്ന എണ്ണക്കപ്പലിലെ നാവികരാണ് അപകടത്തിൽപ്പെട്ടത്.ബെയ്‌റ തുറമുഖത്താണ് അപകടമുണ്ടായത്. അഞ്ചു പേരെ രക്ഷിക്കാൻ സാധിച്ചു. എന്നാൽ രണ്ടുപേരുടെ നില ഗുരുതരമാണ്. മലയാളിയടക്കം അഞ്ച് പേരെ കാണാതായി.

ഇന്നലെയാണ് ബോട്ട് മറിഞ്ഞത്. എണ്ണക്കപ്പലിലേക്ക് പുതിയ ക്രൂവിനെ കൊണ്ടുപോകുന്നതിനിടെയാണ് അപകടം. ബോട്ടില്‍1 2 പേരാണ് ഉണ്ടായിരുന്നത്. ഇതില്‍ 5 പേരെ കാണാതാവുകയായിരുന്നു. ഇന്ത്യന്‍ ഏജന്‍സിയായിരുന്നു ജീവനക്കാരെ എത്തിച്ചിരുന്നത്. അതിനിടയിൽ മരണപ്പെട്ടവരുടെ കൂട്ടത്തിൽ മലയാളിയും ഉണ്ടെന്ന സ്ഥിരീകരിക്കാത്ത റിപ്പോര്‍ട്ടുകളും പുറത്ത് വരുന്നുണ്ട്. രക്ഷപ്പെട്ടവരുടെ കൂട്ടത്തിലും മലയാളുകളുണ്ടെന്നാണ് ലഭിക്കുന്ന സൂചന.

എറണാകുളം പിറവം സ്വദേശി ഇന്ദ്രജിത്തിനെയാണ് അപകടത്തിനുശേഷ് കാണാതായത്. 3 ദിവസം മുന്‍പാണ് ഇന്ദ്രജിത്ത് ആഫ്രിക്കയിലേക്ക് പോയത്. മൊസാംബിക്കിലെ ഇന്ത്യന്‍ ഹൈകമ്മീഷനുമായി ആശയവിനിമയം നടത്തുന്നുണ്ടെന്ന് കുടുംബം അറിയിച്ചു. ഒന്‍പത് മാസം മുന്‍പാണ് ഇന്ദ്രജിത്ത് ഈ കമ്പനിയില്‍ ജോയിലിയില്‍ പ്രവേശിച്ചത്.