D A I L Y  M A L A Y A L A M  N E W S

Archives
SUBSCRIBE
യുഎസിലെ ഹൈസ്‌കൂളിൽ ഹോംകമിംഗ് ഗെയിം ആഘോഷങ്ങൾക്കിടെ കൂട്ട വെടിവെയ്പ്പ്; 4 പേർ മരിച്ചു, 12 പേർക്ക് പരിക്ക്

വാഷിങ്ടൺ ഡി.സി.: യു.എസിലെ മിസിസിപ്പിയിൽ ലീലാന്റ് നഗരത്തിൽ ശനിയാഴ്ച നടന്ന വെടിവെപ്പിൽ നാല് പേർ കൊല്ലപ്പെടുകയും 12 പേർക്ക് പരിക്കേൽക്കുകയും ചെയ്തു. പരിക്കേറ്റവരിൽ നാല് പേരുടെ നില അതീവ ഗുരുതരമാണ്.അർദ്ധരാത്രിയോടടുത്താണ് ലീലാന്റിലെ പ്രധാന തെരുവിൽ വെടിവെപ്പുണ്ടായതെന്ന് ലീലാന്റ് മേയർ ജോൺ ലീ മാധ്യമങ്ങളെ അറിയിച്ചു. പരിക്കേറ്റവരിൽ നാല് പേരെ വിമാനമാർഗം പ്രാദേശിക ആശുപത്രികളിലേക്ക് മാറ്റി. സംഭവവുമായി ബന്ധപ്പെട്ട് ആരെയും ഇതുവരെ കസ്റ്റഡിയിലെടുത്തിട്ടില്ല.

സംഭവം നടക്കുന്ന സമയത്ത് ലീലാന്റ് ഹൈസ്കൂളിൽ ഹോംകമിംഗ് ഗെയിം ആഘോഷങ്ങൾ നടന്നിരുന്നതിനാൽ നഗരത്തിൽ പതിവിലും കൂടുതൽ തിരക്കുണ്ടായിരുന്നു. സ്കൂളിലെ പൂർവ്വ വിദ്യാർത്ഥികളെ സ്വാഗതം ചെയ്യുന്ന വാർഷിക പരിപാടിയാണ് ഹോംകമിംഗ്.സംഭവത്തെക്കുറിച്ച് പോലീസ് കൂടുതൽ അന്വേഷണം ആരംഭിച്ചു. സംസ്ഥാന തലസ്ഥാനമായ ജാക്സണിൽ നിന്ന് ഏകദേശം 190 കിലോമീറ്റർ വടക്ക് കിഴക്കായിട്ടാണ് ലീലാന്റ് നഗരം സ്ഥിതി ചെയ്യുന്നത്.

Leave a Reply

Your email address will not be published. Required fields are marked *