ചെസ്റ്റർഫീൽഡിലെ മലയാളികളുടെ സാംസ്കാരിക വേദിയായ ഫ്രണ്ട്സ് അസോസിയേഷന്റെ ഈ വർഷത്തെ ഓണാഘോഷം സെപ്റ്റംബർ 27 ശനിയാഴ്ച.ബെൽവുഡ് കമ്മ്യൂണിറ്റി സെന്ററിലാണ് (9010 Quinnford Blvd, North Chesterfield, VA 23237) ആഘോഷപരിപാടികൾ നടക്കുക.
വൈകുന്നേരം 3:30 ആരംഭിക്കുന്ന ചടങ്ങിൽ കലാപരിപാടികൾ, ഗാനനൃത്തങ്ങൾ, കുട്ടികളുടെ പരിപാടികൾ എന്നിവയുൾപ്പെടെ വൈവിധ്യമാർന്ന വിനോദങ്ങൾ അരങ്ങേറും.കൂടാതെ ഓണാഘോഷത്തിന്റെ പ്രധാന ആകർഷണമായ വിഭവ സമൃദ്ധമായ ഓണസദ്യയും ഇതോടൊപ്പം ഒരുക്കിയിട്ടുണ്ട്.
സമൂഹത്തിന്റെ ഏകോപനത്തിനും സാംസ്കാരിക പൈതൃക സംരക്ഷണത്തിനും ഒരു വേദിയാകുന്ന ഈ ഓണാഘോഷത്തിലേക്ക് എല്ലാവരെയും സ്വാഗതം ചെയ്യുന്നതായി സംഘാടകർ അറിയിച്ചു.



