വാഷിംഗ്‌ടൺ: ബാൾട്ടിമോർ ആസ്ഥാനമായി പ്രവർത്തിക്കുന്ന അമേരിക്കയിലെ ഏറ്റവും പുരാതന സംഘടനയായ കൈരളി ഓഫ് ബാൾട്ടിമോർ നാല്പത്തിയൊന്നാമത് ഓണാഘോഷം വിപുലമായി നടത്തി.

ഓഗസ്റ്റ് 30 ശനി രാവിലെ 10:30 മുതൽ സമാജത്തിന്റെ ഓണാഘോഷങ്ങൾക്ക് തുടക്കം കുറിച്ചു. പ്രസിഡന്റ് മൈജോ മൈക്കിൾ, സെക്രട്ടറി റോഷിത സ്റ്റാൻലി എന്നിവരുടെ നേതൃത്വത്തിൽ ആണ് ഓണാഘോഷം സങ്കടിപ്പിച്ചത്.

താലപ്പൊലിയുടെയും ചെണ്ട മേളത്തിന്റെയും അകമ്പടിയോടെ മാവേലിത്തമ്പുരാൻറെ എഴുന്നള്ളത്തോടെയാണ് ഓണാഘോഷങ്ങൾക്ക് തുടക്കമാകുന്നത്. നിറപറയും, നിലവിളക്കും, ഓണപ്പൂക്കളവും, തിരുവാതിര, സംഘ നൃത്തം, സംഗീത പരിപാടികളും ഉണ്ടായിരുന്നു.

സാധാരണ ഓണ സദ്യക്ക് നൽകുന്ന എല്ലാ ഇനം കറികളോടും പായസ്സത്തോടും കൂടിയ വിഭവ സമൃദ്ധമായ സ്വാദിഷ്ട നാടൻ ഓണസദ്യ രുചിച്ച് ആസ്വദിക്കുവാനുള്ള അവസരവും ആഘോഷ വേദിയിൽ ഉണ്ടായിരുന്നു.