അമേരിക്കയുടെ ഉയർന്ന ഇറക്കുമതി തീരുവ നേരിടുമ്പോഴും, യുക്രെയ്നിലേക്ക് ഡീസൽ വിതരണം ചെയ്യുന്ന പ്രധാന രാജ്യങ്ങളിലൊന്നായി ഇന്ത്യ മാറുന്നു. റഷ്യയിൽനിന്ന് കുറഞ്ഞ വിലയിൽ അസംസ്കൃത എണ്ണ വാങ്ങുന്നതിനാലാണ് അമേരിക്ക ഇന്ത്യയുടെ ഉൽപ്പന്നങ്ങൾക്ക് 50% വരെ അധിക നികുതി ചുമത്തിയത്. എന്നാൽ, ഈ സാമ്പത്തിക പ്രതിരോധം മറികടന്ന് ഇന്ത്യ യുക്രെയ്ന് സഹായം എത്തിക്കുകയാണ്.

യുക്രെയ്നിന്റെ ആകെ ഡീസൽ ഇറക്കുമതിയുടെ 15.5%, 2025 ജൂലൈയിൽ ഇന്ത്യയിൽ നിന്നായിരുന്നു. കഴിഞ്ഞ വർഷം ഇത് വെറും 1.9% മാത്രമായിരുന്നു എന്നതും ശ്രദ്ധേയമാണ്. കഴിഞ്ഞ വർഷം ഇത് വെറും 1.9% മാത്രമായിരുന്നു എന്നതും ശ്രദ്ധേയമാണ്. റൊമാനിയ, ടർക്കി എന്നിവിടങ്ങളിലെ തുറമുഖങ്ങൾ വഴിയാണ് ഇന്ത്യൻ ഡീസൽ കപ്പലുകളിൽ യുക്രെയ്നിലേക്ക് എത്തുന്നത്.

യു.എസ്. പ്രസിഡന്റ് ഡൊണാൾഡ് ട്രംപിന്റെ ഈ നടപടി ഇന്ത്യ-അമേരിക്ക വ്യാപാര തർക്കം രൂക്ഷമാക്കി. ഈ തീരുമാനം 'അന്യായവും ന്യായീകരിക്കാനാവാത്തതുമാണെന്ന്' ഇന്ത്യ ശക്തമായി പ്രതികരിച്ചു.അതേസമയം, ഇന്ത്യ യുക്രെയ്നിലേക്ക് കയറ്റി അയയ്ക്കുന്ന ഡീസൽ റഷ്യൻ എണ്ണ ശുദ്ധീകരിച്ചതാവാമെന്നാണ് വിദഗ്ധരുടെ അഭിപ്രായം. റഷ്യൻ എണ്ണയ്ക്ക് ഉപരോധം ഏർപ്പെടുത്തിയ അമേരിക്ക, റഷ്യൻ എണ്ണയിൽനിന്ന് ശുദ്ധീകരിച്ച ഡീസൽ യുക്രെയ്നിലേക്ക് എത്തുന്നത് കണ്ടില്ലെന്ന് നടിക്കുന്ന ആഗോള രാഷ്ട്രീയത്തിലെ വിരോധാഭാസമായാണ് ഇതിനെ കാണുന്നത്.