പിതാവിനും രണ്ടാനമ്മയ്ക്കും എതിരെ കേസ്

ആലപ്പുഴ: നാലാം ക്ലാസ് വിദ്യാർത്ഥിനിക്ക് ക്രൂര മർദ്ദനം ഏറ്റുവാങ്ങേണ്ടി വന്നു. സ്കൂളിൽ എത്തിയ കുട്ടിയുടെ ശരീരത്തിൽ മുറിവുകളും പാടുകളും കണ്ടതോടെയാണ് അധ്യാപകർ കാര്യങ്ങൾ അന്വേഷിച്ചത്. തുടർന്ന് പിതാവും രണ്ടാനമ്മയും തന്നെ മർദ്ദിക്കാറുണ്ടെന്ന് കുട്ടി അധ്യാപകരോട് പറഞ്ഞു. ഇതേ തുടർന്ന് അധ്യാപകർ പോലീസിൽ വിവരമറിയിക്കുകയും പോലീസ് കേസെടുക്കുകയും ചെയ്തു. കുട്ടിയുടെ നോട്ട്ബുക്കിൽ പീഡനത്തിന്റെ വിവരങ്ങൾ കുറിച്ചിട്ടിട്ടുണ്ടായിരുന്നു. രണ്ടാനമ്മ ചെറിയ കാര്യങ്ങൾക്ക് പോലും കുട്ടിയെ തല്ലുകയും ശകാരിക്കുകയും ചെയ്തിരുന്നതായി നോട്ട്ബുക്കിൽ കുറിപ്പുണ്ട്. വീട്ടിൽ ഒരു സ്വാതന്ത്ര്യവും ഇല്ലായിരുന്നുവെന്നും കുട്ടി നോട്ട്ബുക്കിൽ എഴുതിയിരുന്നു.