ഒരു വീട് ഒഴിപ്പിക്കലിനിടെ ഡെപ്യൂട്ടിമാർക്കെതിരെ തേനീച്ചക്കൂട്ടത്തെ ആയുധമായി ഉപയോഗിച്ചതിന് യുഎസിൽ സ്ത്രീക്ക് ആറ് മാസം തടവ് ശിക്ഷ ലഭിച്ചു. സംഭവവുമായി ബന്ധപ്പെട്ട് നിരവധി വകുപ്പുകൾ ചുമത്തി റോറി സൂസൻ വുഡ്‌സിനെ ജൂറി കുറ്റക്കാരിയെന്ന് കണ്ടെത്തി.
2022 ഒക്ടോബറിൽ ഹാംപ്ഡൻ കൗണ്ടി ഷെരീഫ് ഓഫീസിലെ ഡെപ്യൂട്ടികൾ ഒരു കുടിയൊഴിപ്പിക്കൽ നടത്തുന്നതിനിടെയാണ് സംഭവം നടന്നത്. തേനീച്ച വളർത്തുന്നയാളുടെ സ്യൂട്ട്റി ധരിച്ച് തേനീച്ചക്കൂടുകൾ അടുക്കി വച്ചിരിക്കുന്ന ഒരു ട്രെയിലറിനൊപ്പം ഒരു എസ്‌യുവിയിലാണ് യുവതി സംഭവസ്ഥലത്തെത്തിയത്. അധികൃതർ പങ്കിട്ട ഒരു വീഡിയോ ക്ലിപ്പിൽ, ഇവർ ഒരു ഉദ്യോ​ഗസ്ഥനുമായി വഴക്കുണ്ടാക്കുന്നതും കൂട് തകർക്കുന്നതും കാണിച്ചു.

പ്പോർട്ട് പ്രകാരം നിരവധി ഉദ്യോഗസ്ഥരുടെ തലയിലും മുഖത്തും കുത്തേറ്റു. ഒരാൾക്ക് ​ഗുരുതരമായി പരിക്കേറ്റു. കൂടാതെ, ഏറ്റുമുട്ടലിൽ ആയിരത്തോളം തേനീച്ചകൾ ചത്തു. യുവതി അവരെ അറസ്റ്റ് ചെയ്യാൻ ശ്രമിച്ച ഡെപ്യൂട്ടികളുമായി മല്ലിട്ടപ്പോൾ നിരവധി തേനീച്ചക്കൂടുകൾ മറിഞ്ഞുവീഴുകയും അവയിൽ ഭൂരിഭാഗവും ചത്തുപോവുകയും ചെയ്തു.