ജനുവരി മുതൽ 12 ആഴ്ച കാലയളവിൽ ഇന്ത്യയിൽ "ഡിജിറ്റൽ അറസ്റ്റ്" തട്ടിപ്പുകളുമായി ബന്ധപ്പെട്ട 9,400-ലധികം അക്കൗണ്ടുകൾ വാട്ട്‌സ്ആപ്പ് നിരോധിച്ചതായി കേന്ദ്ര സർക്കാർ സുപ്രീം കോടതിയെ അറിയിച്ചു. സർക്കാർ ഏജൻസികളുമായി ഏകോപിപ്പിച്ച് നടത്തിയ ലക്ഷ്യമിട്ട എൻഫോഴ്‌സ്‌മെന്റ് ഡ്രൈവ് ഭാഗമായിരുന്നു ഈ നടപടി. അതിനുശേഷം കമ്പനി തട്ടിപ്പ് രീതികൾ കണ്ടെത്തുന്നതിനുള്ള ഉപകരണങ്ങൾ പുറത്തിറക്കിയിട്ടുണ്ട്.

നാലു കുട്ടികള്‍ക്ക് ഇടിമിന്നലേറ്റു. ഫുട്‌ബോള്‍ കളിക്കുന്നതിനിടെയാണ് സംഭവം. ശിവ കൃഷ്ണ, അക്ഷര, ജിഷ്ണു, ജിത്തു എന്നീ കുട്ടികള്‍ക്കാണ് ഇടിമിന്നൽ ഏറ്റത്. എല്ലാവരെയും തൃശൂര്‍ എലൈറ്റ് ആശുപത്രിയില്‍ പ്രവേശിപ്പി അതേസമയം നെയ്യാറ്റിന്‍കരയില്‍ വീടിന് മുകളില്‍ ഇടി മിന്നലേറ്റു കെടുപാടുകൾ സംഭവിച്ചു. കെഎസ്ഇബി മീറ്റര്‍ കരിഞ്ഞ നിലയിലായി.

കോൺഗ്രസ് എംപി ശശി തരൂർ തന്റെ പാർട്ടി സ്ത്രീവിരുദ്ധമാണെന്ന് സമ്മതിച്ചിട്ടുണ്ടെന്ന് കേന്ദ്രമന്ത്രി കിരൺ റിജിജു പാർലമെന്റിൽ തന്നോട് നടത്തിയ സംഭാഷണം അനുസ്മരിച്ചുകൊണ്ട് അവകാശപ്പെട്ടു. ഇത് നിരസിച്ച തരൂർ, താൻ ഒരിക്കലും അങ്ങനെയൊരു കാര്യം പറഞ്ഞിട്ടില്ലെന്നും സൂചിപ്പിച്ചിട്ടില്ലെന്നും ഇന്ന് പറഞ്ഞു.റിജിജുവിന്റെ അവകാശവാദത്തെക്കുറിച്ചുള്ള ഒരു റിപ്പോർട്ടിന് മറുപടിയായി, തനിക്ക് "ഏഴ് സാക്ഷികൾ" ഉണ്ടെന്ന് കോൺഗ്രസ് നേതാവ് പറഞ്ഞു.

പ്രധാനമന്ത്രി നരേന്ദ്ര മോദി ചൊവ്വാഴ്ച തന്റെ ലോക്‌സഭാ മണ്ഡലമായ വാരണാസിയിൽ 1,050 കോടി രൂപയിലധികം ചെലവിൽ നിർമ്മിച്ച 48 പൂർത്തീകരിച്ച പദ്ധതികൾ ഉദ്ഘാടനം ചെയ്യുകയും ഏകദേശം 5,300 കോടി രൂപ വിലമതിക്കുന്ന 112 പദ്ധതികൾക്ക് തറക്കല്ലിടുകയും ചെയ്തു. വാരണാസി-അസംഗഡ് റോഡ് വീതി കൂട്ടൽ, കസാക്പുര, കാദിപൂർ എന്നിവിടങ്ങളിലെ നിർണായക റെയിൽ മേൽപ്പാലങ്ങൾ തുറക്കൽ, ഭഗവാൻപൂരിൽ 55 എംഎൽഡി ശേഷിയുള്ള മലിനജല ശുദ്ധീകരണ പ്ലാന്റ് എന്നിവയാണ് പ്രധാന അടിസ്ഥാന സൗകര്യ പദ്ധതികൾ.

രമേശ് ചെന്നിത്തലയുടെ രാഷ്ട്രീയജീവിതം ഇന്ത്യന്‍ എക്‌സ്പ്രസ് ദിനപത്രത്തില്‍ ഫോക്കസ് ഫീച്ചറായി മുഴുവന്‍ പേജ് പരസ്യം നല്‍കിയ സംഭവത്തിൽ തിരുവനന്തപുരം ഡിസിസി ജനറല്‍ സെക്രട്ടറി എ പ്രിജിന്‍ ബാബുവിന് കാരണം കാണിക്കല്‍ നോട്ടീസ് അയച്ചു. കെപിസിസി പ്രസിഡന്റ് സണ്ണി ജോസഫിന്റെ നിര്‍ദ്ദേശപ്രകാരം എ പ്രിജിന്‍ ബാബുവിന്റെ നടപടി കടുത്ത അച്ചടക്ക ലംഘനമായി വിലയിരുത്തി സംഘടനാ ചുമതലയുള്ള ജനറല്‍ സെക്രട്ടറി നെയ്യാറ്റിന്‍കര സനല്‍ കാരണം കാണിക്കല്‍ നോട്ടീസ് നല്‍കിയത്.

നെടുങ്കണ്ടം ഇരട്ടക്കൊലപാതകത്തിൽ പ്രതി കുറ്റം സമ്മതിച്ചു. അമ്മയെയും സഹോദരനെയും കൊന്ന് കുഴിച്ചുമൂടിയെന്ന് പോലീസിനോട് പറഞ്ഞു. പ്രതി സജിയെ വീടിനടുത്തുള്ള കടയിൽ നിന്നാണ് പൊലീസ് പിടികൂടിയത്. കഴിഞ്ഞ ഞായറാഴ്ച വൈകീട്ട് ഒളിവിൽപ്പോയ സജിയ്ക്കായുള്ള തിരച്ചിലിൽ ആയിരുന്നു പൊലീസ്. ദിവസങ്ങൾക്ക് ശേഷം ഇന്നാണ് സജിയെ പൊലീസ് പിടികൂടുന്നത്.

സ്വതന്ത്ര വ്യാപാര കരാറില്‍ ഒപ്പുവച്ച് ഇന്ത്യയും ന്യൂസിലന്‍ഡും. രണ്ട് രാജ്യങ്ങൾക്കും ഇടയിലുള്ള നിക്ഷേപത്തിനും വ്യാപാരത്തിനും മാനുഷിക വിഭവങ്ങളുടെ കൈമാറ്റത്തിനും പുതിയ മാനങ്ങള്‍ നല്‍കുന്ന ചരിത്രപരമായ കരാറിലാണ് പതിറ്റാണ്ടുകൾക്ക് ശേഷം ഇരു രാജ്യങ്ങളും തമ്മിൽ ഒപ്പുവെച്ചത്.