മിഷിഗൻ: പ്രമുഖ ഇന്ത്യൻ അമേരിക്കൻ സംരംഭകനായ സണ്ണി റെഡ്ഡി മിഷിഗൻ റിപ്പബ്ലിക്കൻ പാർട്ടിയുടെ കോ-ചെയർമാനായി ഏകകണ്ഠമായി തിരഞ്ഞെടുക്കപ്പെട്ടു. മിഡ്‌വെസ്റ്റിലെ ഏറ്റവും ശ്രദ്ധേയനായ ഇന്ത്യൻ അമേരിക്കൻ റിപ്പബ്ലിക്കൻ നേതാക്കളിൽ ഒരാളാണ് ഇദ്ദേഹം.കൂടാതെ മിഷിഗണിൽ റിപ്പബ്ലിക്കൻ പാർട്ടി സ്ഥാനത്തേക്ക് തിരഞ്ഞെടുക്കപ്പെടുന്ന ആദ്യ ഇന്ത്യൻ-അമേരിക്കൻ വ്യക്തി കൂടിയാണ് സണ്ണി റെഡ്ഡി.

മിഷിഗൻ റിപ്പബ്ലിക്കൻ പാർട്ടിയെ ശക്തിപ്പെടുത്തുന്നതിനും, വരാനിരിക്കുന്ന പ്രധാന തിരഞ്ഞെടുപ്പുകളിൽ വിജയം ഉറപ്പാക്കുന്നതിനും താൻ അശ്രാന്തമായി പ്രവർത്തിക്കുമെന്ന് റെഡ്ഡി പ്രതിജ്ഞയെടുത്തു. ഐക്യം, അച്ചടക്കം, നിശ്ചയദാർഢ്യം എന്നിവയായിരിക്കും 2026-ലെ തിരഞ്ഞെടുപ്പ് വിജയത്തിലേക്കുള്ള പാർട്ടിയുടെ മാർഗ്ഗമെന്നും റെഡ്ഡി വ്യക്തമാക്കി.