ന്യൂജഴ്സി ∙ അലർജിയുണ്ടാക്കാൻ സാധ്യതയുള്ള നിലക്കടലയുടെ സാന്നിധ്യം കാരണം റിറ്റ്സ് പീനട്ട് ബട്ടർ ക്രാക്കർ സാൻഡ്വിച്ചുകൾഎട്ട് യുഎസ് സംസ്ഥാനങ്ങളിൽ നിന്ന് തിരിച്ചുവിളിക്കാൻ ഫുഡ് ആൻഡ് ഡ്രഗ് അഡ്മിനിസ്ട്രേഷൻ ഉത്തരവിട്ടു.ന്യൂയോർക്ക്, ന്യൂജഴ്സി, പെൻസിൽവേനിയ, ജോർജിയ, അർകെൻസ, മിസോറി, ഓക്ലഹോമ, അലബാമ എന്നീ സംസ്ഥാനങ്ങളിലെ തിരഞ്ഞെടുത്ത റീട്ടെയിൽ കടകളിലാണ്, വാൾമാർട്ട് ഉൾപ്പെടെ, ഈ ഉൽപ്പന്നം വിറ്റഴിച്ചത്.
ചീസ് ക്രാക്കർ എന്ന് തെറ്റായി ലേബൽ ചെയ്ത പായ്ക്കറ്റുകളിലാണ് നിലക്കടല അടങ്ങിയ പീനട്ട് ബട്ടർ ക്രാക്കറുകൾ ഉൾപ്പെട്ടത്. ഇത് നിലക്കടല അലർജിയുള്ളവർക്ക് ഗുരുതരമായ ആരോഗ്യപ്രശ്നങ്ങളോ ജീവിതത്തിന് ഭീഷണിയോ ഉണ്ടാക്കാൻ സാധ്യതയുണ്ട്.
അലർജിയുമായി ബന്ധപ്പെട്ട് ഇതുവരെ പ്രതികൂല പ്രതികരണങ്ങളൊന്നും റിപ്പോർട്ട് ചെയ്തിട്ടില്ലെങ്കിലും, സുരക്ഷ ഉറപ്പാക്കാനാണ് തിരിച്ചുവിളിക്കൽ നടപടി. നിലക്കടല അലർജിയുള്ളവർ ഈ തിരിച്ചുവിളിച്ച ക്രാക്കർ സാൻഡ്വിച്ചുകൾ ഭക്ഷിക്കരുതെന്ന് എഫ്.ഡി.എ. നിർദ്ദേശിച്ചു.