വൈറ്റ് ഹൗസിന് സമീപം ഉണ്ടായ വെടിവെപ്പിൽ രണ്ട് സൈനികർ കൊല്ലപ്പെട്ട സംഭവത്തെ ഭീകരാക്രമണം എന്ന് പരാമർശിച്ച യുഎസ് പ്രസിഡന്റ് ഡൊണാൾഡ് ട്രംപ്. ആക്രമണം നടത്തിയ ആളെ മൃഗം എന്നാണ് ട്രംപ് വിശേഷിപ്പിച്ചത് അയാൾ ഇതിന് വലിയ വില നൽകേണ്ടി വരും എന്നും ട്രംപ് മുന്നറിയിപ്പ് നൽകി.അക്രമി അഫ്ഗാൻ സ്വദേശിയാണെന്നും 2021ലാണ് യുഎസിലെത്തിയതെന്നും ട്രംപ് പറഞ്ഞു.

സംഭവിച്ചത് ഹീനമായ ആക്രമണവും വെറുപ്പും ഭീകരതയും ഉളവാക്കുന്ന പ്രവൃത്തിയുമാണെന്നും രാജ്യത്തിനെതിരേയും മനുഷ്യരാശിക്ക് എതിരെയുമുള്ള കുറ്റകൃത്യമാണിതെന്നും ഡൊണാൾഡ് ട്രംപ്. പരുക്കേറ്റ് ആശുപത്രിയിലുള്ള 2 നാഷനൽ ഗാർഡുകളുടെ നിലഗുരുതരമാണ്. അക്രമിക്കും വെടിവയ്പ്പിൽ പരുക്കേറ്റു. ഇയാളുടെ നില ഗുരുതരമല്ല. അക്രമി പെട്ടെന്ന് വെടിവയ്ക്കുകയായിരുന്നെന്ന് അധികൃതർ പറയുന്നു. ഇയാളുടെ പശ്ചാത്തലം പരിശോധിക്കുകയാണെന്നും അദ്ദേഹം വ്യക്തമാക്കി. വാഷിംഗ്ടൺ ഡി.സി.യിലെ വൈറ്റ് ഹൗസിൽ നിന്ന് ഏതാനും ബ്ലോക്കുകൾ അകലെ 17-ാം സ്ട്രീറ്റ് എൻ.ഡബ്ല്യു, ഐ സ്ട്രീറ്റ് എൻ.ഡബ്ല്യു സ്ട്രീറ്റുകൾക്കു സമീപത്താണ് ബുധനാഴ്ച ഉച്ചയ്ക്ക് ശേഷം സംഭവം നടന്നത്.