D A I L Y  M A L A Y A L A M  N E W S

Archives
SUBSCRIBE
രേവതി പിള്ള ഫൊക്കാന ട്രഷറർ സ്ഥാനാർത്ഥി
ലീലാ മാരേട്ട് നേതൃത്വം നൽകുന്ന പാനലിലാണ് ബോസ്റ്റണിൽ നിന്നുള്ള രേവതി പിള്ള ജനവിധി തേടുന്നത്. പ്രൊഫഷണൽ രംഗത്തും സാമൂഹിക-സംഘടനാ തലങ്ങളിലും കഴിവു തെളിയിച്ച വ്യക്തിത്വമാണ് രേവതി പിള്ള. ഐ.ടി. മേഖലയിലെ ഒരു കമ്പനിയുടെ സീനിയർ വൈസ് പ്രസിഡന്റ് ആയി പ്രവർത്തിക്കുന്ന അവർ മികച്ച ഒരു അഡ്മിനിസ്‌ട്രേറ്റർ എന്ന നിലയിൽ പ്രശസ്തയാണ്.

ന്യൂയോർക്ക്: ഫൊക്കാന (ഫെഡറേഷൻ ഓഫ് കേരള അസോസിയേഷൻസ് ഇൻ നോർത്ത് അമേരിക്ക) യുടെ 2026-2028 ഭരണസമിതിയിലേക്ക് നടക്കുന്ന തിരഞ്ഞെടുപ്പിൽ ട്രഷറർ സ്ഥാനത്തേക്ക് പ്രമുഖ വനിതാ നേതാവും സംരംഭകയുമായ രേവതി പിള്ള മത്സരിക്കുന്നു. ലീലാ മാരേട്ട് നേതൃത്വം നൽകുന്ന പാനലിലാണ് ബോസ്റ്റണിൽ നിന്നുള്ള രേവതി പിള്ള ജനവിധി തേടുന്നത്. പ്രൊഫഷണൽ രംഗത്തും സാമൂഹിക-സംഘടനാ തലങ്ങളിലും കഴിവു തെളിയിച്ച വ്യക്തിത്വമാണ് രേവതി പിള്ള. ഐ.ടി. മേഖലയിലെ ഒരു കമ്പനിയുടെ സീനിയർ വൈസ് പ്രസിഡന്റ് ആയി പ്രവർത്തിക്കുന്ന അവർ മികച്ച ഒരു അഡ്മിനിസ്‌ട്രേറ്റർ എന്ന നിലയിൽ പ്രശസ്തയാണ്.

മികച്ച പ്രാസംഗിക, അവതാരക, മത-സാംസ്‌കാരിക പ്രവർത്തക, സംഘടനാ പ്രവർത്തക തുടങ്ങി നിരവധി മേഖലകളിൽ വ്യക്തിമുദ്ര പതിപ്പിച്ച ബഹുമുഖ പ്രതിഭയാണ് രേവതി. ഫൊക്കാനയുടെ പ്രവർത്തനങ്ങളിൽ സജീവമായിരുന്ന രേവതി പിള്ള, നാഷണൽ കമ്മിറ്റി അംഗം, റീജിണൽ പ്രസിഡന്റ് എന്നീ സ്ഥാനങ്ങൾ വഹിച്ചിട്ടുണ്ട്. ഫൊക്കാനയുടെ വിവിധ കൺവെൻഷൻ നടത്തിപ്പുകൾക്കായി രൂപീകരിച്ച കമ്മിറ്റികളിലും അവർ അംഗമായിരുന്നു.

കഴിഞ്ഞ ഫൊക്കാന കേരള കൺവെൻഷനിൽ 26 നിർദ്ധനരായ കുട്ടികൾക്ക് സ്കോളർഷിപ്പ് നൽകാൻ മുൻകൈ എടുത്തത് രേവതിയുടെ നേതൃത്വപരമായ വലിയ നേട്ടമാണ്. ഫൊക്കാന എത്തിക്‌സ് കമ്മിറ്റി മെമ്പറായ രേവതിയാണ് ഫൊക്കാനക്ക് വേണ്ടി 'സെക്ഷ്വൽ ഹരാസ്‌മെന്റ് പോളിസി' എഴുതിയുണ്ടാക്കിയത്. ജീവകാരുണ്യ പ്രവർത്തനങ്ങളിൽ സജീവമായി പങ്കെടുക്കുന്ന അവർ 'വിഷൻ എയ്ഡ്' എന്ന ചാരിറ്റി ഓർഗനൈസേഷന്റെ ബോർഡ് മെമ്പറായും പ്രവർത്തിക്കുന്നു.

കേരള അസോസിയേഷൻ ഓഫ് ന്യൂഇംഗ്ലണ്ട് മുൻ സെക്രട്ടറിയായ രേവതി പിള്ള ബോസ്റ്റൺ ഏരിയയിലെയും ടെക് മേഖലയിലെയും അറിയപ്പെടുന്ന വ്യക്തിത്വമാണ്. സീനിയർ എക്‌സിക്യൂട്ടീവ് വനിതകൾക്കുവേണ്ടി സ്ഥാപിച്ച 'ചീഫ്' എന്ന ഓർഗനൈസേഷന്റെ ബോസ്റ്റൺ ചാപ്റ്റർ ഫൗണ്ടറും കൂടിയാണ് അവർ. കൂടാതെ, രേവതിയുടെ കമ്പനിയുടെ പ്രൊജക്റ്റുകളിൽ ഒന്നാണ് 'വിശ്വാസ്' എന്ന ബ്രാൻഡിന്റെ ഉത്പന്നമായ 'സമൃദ്ധി' ഹെയർ ഓയിൽ.

ന്യൂയോർക്കിൽ നടന്ന ലോക കേരള സഭ സമ്മേളനത്തിൽ ഇൻഡസ്ട്രി ആൻഡ് ടെക്‌നോളജി ലീഡർ എന്ന ഗണത്തിൽ കേരള സർക്കാരിന്റെ നേരിട്ടുള്ള ക്ഷണപ്രകാരം പങ്കെടുക്കുകയും ബിസിനസ് സംരംഭത്തെക്കുറിച്ചും ലീഡർഷിപ്പിനെക്കുറിച്ചും വിശദമായി സംസാരിച്ച് ഏവരുടേയും പ്രശംസ പിടിച്ചുപറ്റുകയും ചെയ്തിട്ടുണ്ട്.അമേരിക്കൻ മലയാളി സമൂഹത്തിലെ സജീവ സാന്നിധ്യമായ രേവതിക്ക് നിരവധി സംഘടനകളുടെ പിന്തുണയുണ്ട്. ട്രഷറർ സ്ഥാനത്തേക്ക് മറ്റ് പ്രമുഖ സ്ഥാനാർത്ഥികളും രംഗത്തുള്ളതിനാൽ ഫൊക്കാന തിരഞ്ഞെടുപ്പ് ഇത്തവണ ശ്രദ്ധേയമാവുകയാണ്.

Leave a Reply

Your email address will not be published. Required fields are marked *