വാഷിംഗ്ടൺ ഡി.സി: അമേരിക്കൻ പ്രസിഡന്റ് ഡൊണാൾഡ് ട്രംപും പ്രഥമ വനിത മെലാനിയ ട്രംപും ചേർന്ന് വൈറ്റ് ഹൗസിൽ ഹാലോവീൻ ആഘോഷം ഗംഭീരമാക്കി. വൈറ്റ് ഹൗസിന്റെ സൗത്ത് ലോണിൽ നടന്ന 'ട്രീക്ക് ഓർ ട്രീറ്റ്' പരിപാടിയിൽ സൈനിക, നിയമപാലക കുടുംബങ്ങളിലെയും മറ്റും കുട്ടികൾ പങ്കെടുത്തു. ‌പ്രസിഡന്റും മെലാനിയയും ചേർന്ന് കുട്ടികൾക്ക് പ്രസിഡൻഷ്യൽ സീൽ പതിപ്പിച്ച വലിയ ഹെർഷി ചോക്ലേറ്റ് ബാറുകൾ വിതരണം ചെയ്തു.2019-ൽ ഒരു കുട്ടിയുടെ തലയിൽ മിഠായി വെച്ച് വൈറലായ നിമിഷം ട്രംപ് ഈ വർഷവും ആവർത്തിച്ചു.

സൂപ്പർഹീറോകൾ, രാജകുമാരിമാർ, പ്രസിഡന്റിന്റെയും പ്രഥമ വനിതയുടെയും വേഷങ്ങൾ ധരിച്ച കുട്ടികൾ എന്നിവരെല്ലാം ശ്രദ്ധ നേടി. ടോയ്‌ലറ്റിന്റെ വേഷം ധരിച്ചെത്തിയ ഒരു കുട്ടിക്കും ട്രംപ് മിഠായി നൽകി.യു.എസ്. എയർഫോഴ്‌സ് സ്ട്രോളിംഗ് സ്ട്രിങ്‌സ് 'ത്രില്ലർ' പോലുള്ള ഗാനങ്ങൾ അവതരിപ്പിച്ചത് ആഘോഷത്തിന് ആവേശം പകർന്നു. വൈറ്റ് ഹൗസ് കെട്ടിടം മത്തങ്ങകളും ഇലകളും കൊണ്ട് അലങ്കരിച്ച് മനോഹരമാക്കിയിരുന്നു.