ഓസ്റ്റിൻ: ടെക്സസിലെ എല്ലാ സ്റ്റേറ്റ് പാർക്കുകളിലും നവംബർ രണ്ടിന് സൗജന്യ പ്രവേശനം. ടെക്സസ് പാർക്സ് ആൻഡ് വൈൽഡ് ലൈഫ് വിഭാഗം നവംബർ രണ്ടിന് ടെക്സസ് സ്റ്റേറ്റ് പാർക്സ് ഡേ ആയി ആചരിക്കുന്നതിന് ഭാഗമായാണ് ഈ അവസരം. സംസ്ഥാനത്തെ 89 പാർക്കുകളിലും പൊതുജനങ്ങൾക്ക് സൗജന്യമായി പ്രവേശനം അനുവദിക്കുമെന്ന് ബന്ധപ്പെട്ട അധികൃതർ അറിയിച്ചു. ഈ ദിവസങ്ങളിൽ തിരക്ക് വർധിക്കാനുള്ള സാഹചര്യം കണക്കിലെടുത്ത് സന്ദർശകർ മുൻകൂട്ടി റിസർവേഷൻ നടത്തണമെന്ന് അധികൃതർ നിർദ്ദേശം നൽകുന്നു.

ഈ ദിവസം പാർക്കിൽ സാധാരണയായി ലഭിക്കുന്ന എല്ലാ സൗകര്യങ്ങളും പൂർണ്ണമായും സൗജന്യമായിരിക്കും. എന്നാൽ ക്യാമ്പിങ് പോലെയുള്ള പ്രത്യേക പരിപാടികൾക്ക് സാധാരണയായി നൽകുന്ന ഫീസ് നൽകേണ്ടതുണ്ട്. കൂടാതെ വൈറ്ററൻസ് ഡേയ്ക്ക് മുന്നോടിയായി മുൻ സൈനികർക്കും നിലവിൽ സൈനിക സേവനം നടത്തുന്നവർക്കും ഗോൾഡ് സ്റ്റാർ കുടുംബങ്ങൾക്കും സൗജന്യ പാർക്ലാൻഡ് പാസ്പോർട്ട് ലഭ്യമാണെന്നും അധികൃതർ അറിയിച്ചു. നവംബർ11നാണ് വൈറ്ററൻസ് ഡേ.