ചെന്നൈ: തമിഴ്നാട്ടിൽ കനത്ത മഴയെ തുടർന്ന് ചെന്നൈ, കടലൂർ, ചെങ്കൽപ്പെട്ട് എന്നീ മൂന്ന് ജില്ലകളിലെ വിദ്യാഭ്യാസ സ്ഥാപനങ്ങൾക്ക് നാളെ അവധി പ്രഖ്യാപിച്ചു. പുതുച്ചേരിയിലും സ്‌കൂളുകൾക്ക് നാളെ അവധിയായിരിക്കും. ഏത് സാഹചര്യവും നേരിടാൻ സർക്കാർ സജ്ജമാണെന്ന് തമിഴ്നാട് മുഖ്യമന്ത്രി എം കെ സ്റ്റാലിൻ അറിയിച്ചു. തീവ്രമഴ മുന്നറിയിപ്പുള്ള ജില്ലകളിലേക്ക് ഐഎഎസ് ഉദ്യോഗസ്ഥരെ പ്രത്യേക ഓഫീസർമാരായി അയച്ചതായും അദ്ദേഹം കൂട്ടിച്ചേർത്തു.
അതേസമയം കേരളത്തിലും മഴ കനക്കുകയാണ്. വിവിധ ജില്ലകളിൽ ശക്തമായ മഴയാണ് പെയ്യുന്നത്. മഴയ്ക്കൊപ്പം ഉണ്ടാകുന്ന അതിശക്തമായ കാറ്റും ഇടിമിന്നലും ആശങ്ക സൃഷ്ടിക്കുകയാണ്. നാളെ വിവിധ ജില്ലകളിലെ വിദ്യാഭ്യാസ സ്ഥാപനങ്ങൾക്ക് അവധിയാണ്.