D A I L Y  M A L A Y A L A M  N E W S

Archives
SUBSCRIBE
‘ ശബരിമല ഐതിഹ്യത്തില്‍ അയ്യപ്പനൊപ്പം വാവര്‍ക്കും സ്ഥാനമുണ്ട്; മുഖ്യമന്ത്രി
ശബരിമല വിഷയം വിവാദമാക്കി മാറ്റാൻ സംഘപരിവാർ ശ്രമിക്കുകയാണെന്നും മുഖ്യമന്ത്രി ആരോപിച്ചു.രാജ്യത്തിന്റെ പല ഭാഗങ്ങളിൽ നിന്നും ലോകത്തിന്റെ വിവിധ കോണുകളിൽ നിന്നും ആളുകൾ എത്തിച്ചേരുന്ന ഒരു ആരാധനാലയമാണ് ശബരിമല.

ശബരിമലയുടെ ഐതിഹ്യത്തിൽ അയ്യപ്പനൊപ്പം വാവർക്കും സ്ഥാനമുണ്ടെന്ന് മുഖ്യമന്ത്രി പിണറായി വിജയൻ. സിപിഐഎം കണ്ണൂർ ജില്ലാ കമ്മിറ്റി ഓഫീസ് കെട്ടിടം ഉദ്ഘാടനം ചെയ്യവെ സംസാരിക്കുകയായിരുന്നു അദ്ദേഹം. ശബരിമല വിഷയം വിവാദമാക്കി മാറ്റാൻ സംഘപരിവാർ ശ്രമിക്കുകയാണെന്നും മുഖ്യമന്ത്രി ആരോപിച്ചു.രാജ്യത്തിന്റെ പല ഭാഗങ്ങളിൽ നിന്നും ലോകത്തിന്റെ വിവിധ കോണുകളിൽ നിന്നും ആളുകൾ എത്തിച്ചേരുന്ന ഒരു ആരാധനാലയമാണ് ശബരിമല. എന്നാൽ, ഇത് വലിയ വിവാദമാക്കാൻ സംഘപരിവാർ ശ്രമം തുടങ്ങി. ശബരിമലയുമായി ബന്ധപ്പെട്ട ഐതിഹ്യത്തിൽ അയ്യപ്പനോടൊപ്പം വാവർക്കും പ്രധാന സ്ഥാനമുണ്ട്.



ഇത് സംഘപരിവാറിന് യോജിക്കാനാകാത്ത കാര്യമാണ്. അതിന്റെ ഭാഗമായി വാവർ, വാവരല്ല എന്നും, അദ്ദേഹത്തെ സമൂഹത്തിന് കൊള്ളാത്തവനായി ചിത്രീകരിക്കാൻ കഴിയുന്ന തരത്തിലെല്ലാം ശ്രമങ്ങൾ നടക്കുന്നുണ്ടെന്നും മുഖ്യമന്ത്രി പറഞ്ഞു.ശബരിമലയെ അംഗീകരിക്കുന്ന, അയ്യപ്പനെ ആരാധിക്കുന്ന ഭക്തർക്ക് പോലും ഇത് അംഗീകരിക്കാനാകുമോ? സംഘപരിവാറിന് മേധാവിത്വം ലഭിച്ചാൽ ശബരിമലയുടെ തനത് സ്വഭാവം അടക്കം നഷ്ടപ്പെടുമെന്നും മുഖ്യമന്ത്രി കൂട്ടിച്ചേർത്തു.

Leave a Reply

Your email address will not be published. Required fields are marked *