D A I L Y  M A L A Y A L A M  N E W S

Archives
SUBSCRIBE
യുഎസിൽ ക്രിസ്ത്യൻ പള്ളിയിൽ വെടിവയ്പ്പ്: രണ്ട് മരണം, നിരവധി പേർക്ക് പരിക്ക്
മിഷിഗണിലെ ഗ്രാൻഡ് ബ്ലാങ്കിലുള്ള ദി ചർച്ച് ഓഫ് ജീസസ് ക്രൈസ്റ്റ് ഓഫ് ലാറ്റർ-ഡേ സെയിന്റ്സിലാണ് സംഭവം നടന്നത്. ഞായറാഴ്ച്ച പ്രാർഥന നടക്കുന്നതിനിടെയായിരുന്നു ആക്രമണം.

വാഷിങ്ടൻ: യുഎസിലെ മിഷി​ഗണിലെ ക്രിസ്ത്യൻ പള്ളിയിൽ ഉണ്ടായ വെടിവയ്പ്പിൽ രണ്ട് പേർ മരിച്ചു. ഒൻപത് പേർക്ക് പരിക്കേറ്റു. മിഷിഗണിലെ ഗ്രാൻഡ് ബ്ലാങ്കിലുള്ള ദി ചർച്ച് ഓഫ് ജീസസ് ക്രൈസ്റ്റ് ഓഫ് ലാറ്റർ-ഡേ സെയിന്റ്സിലാണ് സംഭവം നടന്നത്. ഞായറാഴ്ച്ച പ്രാർഥന നടക്കുന്നതിനിടെയായിരുന്നു ആക്രമണം. വാഹനത്തിലെത്തിയ അക്രമി തന്റെ ട്രക്ക് പള്ളിക്കകത്തേക്ക് ഇടിച്ചു കയറ്റി. ശേഷം വണ്ടിയിൽ നിന്നും പുറത്തിറങ്ങി വിശ്വാസികൾക്ക് നേരെ വെടിയുതിർക്കുകയായിരുന്നു.

വെടിവയ്പ്പിന് ശേഷം ഇയാൾ പള്ളിക്ക് തീവെക്കുകയും ചെയ്തു. തീ ആളിപ്പടർന്നതോടെ രക്ഷാപ്രവർത്തനം ദുഷ്കരമാക്കിയതായും പൊലീസ് അറിയിച്ചു. തുടർന്ന് അഗ്നിശമന സേനാംഗങ്ങൾ എത്തിയാണ് തീ നിയന്ത്രണവിധേയമാക്കിയത്. അക്രമം അഴിച്ചുവിട്ടത് ബർട്ടൺ സ്വദേശിയായ ഒരു നാല്പതുകാരനാണെന്ന് മിഷിഗൺ പൊലീസ് അറിയിച്ചു. ഇയാളെ പിന്നീട് പൊലീസ് വധിച്ചുവെന്ന് റിപ്പോർട്ടുകളുണ്ട്.

സംഭവത്തിൽ മിഷിഗൺ ഗവർണർ ഗ്രെച്ചൻ വിറ്റ്മർ ദുഃഖം രേഖപ്പെടുത്തി. ദി ചർച്ച് ഓഫ് ജീസസ് ക്രൈസ്റ്റ് ഓഫ് ലാറ്റർ-ഡേ സെയിന്റ്സ്ന്റെ പ്രസിഡന്റായിരുന്ന റസ്സൽ എം. നെൽസന്റെ മരണത്തിന്റെ പിറ്റേന്നാണ് പള്ളിയിൽ ഈ ആക്രമണം നടന്നതെന്നതും ശ്രദ്ധേയമാണ്.

Leave a Reply

Your email address will not be published. Required fields are marked *