തെക്കൻ കൊറിയൻ വാഹന നിർമ്മാതാക്കളായ ഹ്യുണ്ടായ് മോട്ടോർ കമ്പനിയുടെ ജോർജിയയിലെ ഇലക്ട്രിക് വാഹന നിർമ്മാണ കേന്ദ്രത്തിൽ നടത്തിയ റെയ്ഡിൽ ഏകദേശം 475 പേരെ കസ്റ്റഡിയിലെടുത്തതായി ഹോംലാൻഡ് സെക്യൂരിറ്റി ഉദ്യോഗസ്ഥൻ അറിയിച്ചു. ട്രംപ് ഭരണകൂടത്തിൻ്റെ കുടിയേറ്റ വിരുദ്ധ നടപടികളുടെ ഭാഗമായാണ് റെയ്ഡ്.

ഹോംലാൻഡ് സെക്യൂരിറ്റി ഇൻവെസ്റ്റിഗേഷൻസിലെ സ്പെഷ്യൽ ഏജന്റ് സ്റ്റീവൻ ഷ്രാങ്ക് വെള്ളിയാഴ്ച നടത്തിയ പത്രസമ്മേളനത്തിൽ, അറസ്റ്റിലായവരിൽ ഭൂരിഭാഗവും ദക്ഷിണ കൊറിയക്കാരാണെന്ന് പറഞ്ഞു. "ജോർജിയക്കാർക്കും അമേരിക്കക്കാർക്കും തൊഴിൽ നൽകാനുള്ള ഞങ്ങളുടെ പ്രതിബദ്ധതയാണ് ഈ നടപടി കാണിക്കുന്നത്," ഷ്രാങ്ക് വ്യക്തമാക്കി. "ഹോംലാൻഡ് സെക്യൂരിറ്റി ഇൻവെസ്റ്റിഗേഷൻസിന്റെ ചരിത്രത്തിലെ ഏറ്റവും വലിയ ഒറ്റപ്പെട്ട ഓപ്പറേഷനാണിത്."

അനധികൃതമായി താമസിക്കുകയും ജോലി ചെയ്യുകയും ചെയ്തവരാണ് അറസ്റ്റിലായതെന്ന്ഹോം ലാൻഡ് സെക്യൂരിറ്റി ഇൻവെസ്റ്റിഗേഷൻസ് അറിയിച്ചു. പിടിയിലായവരിൽ ഹ്യുണ്ടായ് കമ്പനിയുടെ നേരിട്ടുള്ള ജീവനക്കാർ ഇല്ലെന്നാണ് കമ്പനി വക്താവ് അറിയിച്ചത്.