തിരുവനന്തപുരം: ഇത്തവണത്തെ ഓണക്കാലത്ത് സംസ്ഥാനത്ത് റെക്കോർഡ് മദ്യവിൽപ്പനയാണ് നടന്നത്. പത്ത് ദിവസം കൊണ്ട് 826.38 കോടി രൂപയുടെ മദ്യമാണ് വിറ്റഴിച്ചത്. കഴിഞ്ഞ വർഷം 776.82 കോടി രൂപയുടെ മദ്യമാണ് വിറ്റിരുന്നത്. കഴിഞ്ഞ വർഷത്തെ അപേക്ഷിച്ച് 50 കോടി രൂപയുടെ വർധനവാണ്ഇ ത്തവണയുണ്ടായിരിക്കുന്നത്.

ഉത്രാടദിനത്തിൽ മാത്രം 137.64 കോടി രൂപയുടെ മദ്യം വിറ്റു. ഏറ്റവും കൂടുതൽ മദ്യം വിറ്റത് കൊല്ലം ജില്ലയിലാണ്. കൊല്ലം ജില്ലയിലെ കരുനാഗപ്പള്ളിയിലെ ബെവ്‌കോ ഔട്ട്ലെറ്റിൽ നിന്ന് മാത്രം 1.46 കോടി രൂപയുടെ മദ്യമാണ് വിറ്റഴിച്ചത്.

സംസ്ഥാനത്തെ ആറ് ബെവ്‌കോ ഔട്ട്ലെറ്റുകളിൽ ഒരു കോടി രൂപയ്ക്ക് മുകളിൽ വിൽപ്പന നടന്നു. സൂപ്പർ പ്രീമിയം ഷോപ്പുകളിലും റെക്കോർഡ് വിൽപ്പനയാണ് രേഖപ്പെടുത്തിയത്. കഴിഞ്ഞ വർഷത്തെ അപേക്ഷിച്ച് അഞ്ചിരട്ടി വിൽപ്പന വർധനവാണ് സൂപ്പർ പ്രീമിയം ഷോപ്പുകളിലുണ്ടായത്.