ഡാളസ്: 2025 ഓഗസ്റ്റ് 30-ന് ഡാളസിൽ വെച്ച് നടക്കാനിരുന്ന മോഹൻലാൽ ഷോയായ ‘കിലുക്കം – 2025’ റദ്ദാക്കിയതായി സംഘാടകരായ ഗാലക്സി എൻ്റർടൈൻമെൻ്റ് അറിയിച്ചു. മോഹൻലാലിന്റെ ടീമിലെ ചില അംഗങ്ങൾക്ക് വിസ സംബന്ധമായ പ്രശ്നങ്ങൾ നേരിട്ടതാണ് ഷോ അപ്രതീക്ഷിതമായി റദ്ദാക്കാൻ കാരണം.

ടിക്കറ്റുകൾക്കും സ്പോൺസർഷിപ്പുകൾക്കും നൽകിയ പണം തിരികെ നൽകുന്നതിനുള്ള നടപടികൾ ഉടൻ ആരംഭിക്കുമെന്നും, ഇതിനായി എല്ലാവരുടെയും ക്ഷമയും സഹകരണവും പ്രതീക്ഷിക്കുന്നതായും അവർ പ്രസ്താവനയിൽ വ്യക്തമാക്കി. വർഷങ്ങളായി തങ്ങൾക്ക് നൽകിവരുന്ന എല്ലാ പിന്തുണയ്ക്കും പ്രോത്സാഹനത്തിനും സംഘാടകർ നന്ദി രേഖപ്പെടുത്തി.

കൂടുതൽ വിവരങ്ങൾക്കായി ഗാലക്സി എൻ്റർടൈൻമെൻ്റുമായി ബന്ധപ്പെടാവുന്നതാണ്. ഈ പ്രതിസന്ധി ഘട്ടത്തിൽ എല്ലാവരുടെയും സഹകരണത്തിന് സംഘാടകർ നന്ദി അറിയിച്ചു.