എഴുത്തുകാരനും സോഷ്യൽമീഡിയ ഇൻഫ്ലുവൻസറുമായ ജോസഫ് അന്നംകുട്ടി ജോസ്( Joseph Annamkutty Jose) വിവാഹിതനായി. വിവാഹിതനായ വിവരം ജോസഫ് അന്നംകുട്ടി ആണ് സോഷ്യൽമീഡിയയിലൂടെ അറിയിച്ചത്.

താൻ വിവാഹിതനായെന്നും വധുവിന്റെ പേര് ആൻ എന്നാണെന്നും ജോസഫ് അന്നംകുട്ടി. തന്റെ കുടുംബവും, ആനിന്റെ കുടുംബവും, വിവാഹം നടത്തിയ സുഹൃത്തുക്കളായിട്ടുള്ള പുരോഹിതരും, ഏറ്റവും വേണ്ടപ്പെട്ടവരായ ഈശോയും ഫാമിലിയും മാത്രമേ ഉണ്ടായിരുന്നുള്ളുവെന്നും ജോസഫ് കുറിച്ചു.

ജോസഫ് അന്നംകുട്ടി ജോസിന്റെ വാക്കുകൾ

ഇന്ന് ഞങ്ങൾ വിവാഹിതരായി, വധുവിന്റെ പേര് ആൻ. എന്റെ ജീവിതത്തിലെ ഏറ്റവും ലളിതമായ ചടങ്ങായിരുന്നു വിവാഹം. എന്റെ കുടുംബവും, ആനിന്റെ കുടുംബവും, വിവാഹം നടത്തിയ സുഹൃത്തുക്കളായിട്ടുള്ള പുരോഹിതരും, ഏറ്റവും വേണ്ടപ്പെട്ടവരായ ഈശോയും ഫാമിലിയും മാത്രമേ ഉണ്ടായിരുന്നുള്ളു. ആരോ പറഞ്ഞ പോലെ, മുറിവേറ്റ രണ്ടു മനുഷ്യർ ഒരായുസ്സുകൊണ്ട് പരസ്പരം സുഖപ്പെടുത്താൻ ശ്രമിക്കുന്ന ഒന്നാണ് വിവാഹം.

ജോസഫ് മികച്ച നടൻ കൂടിയാണ്. ജിസ് ജോയ് സംവിധാനം ചെയ്ത വിജയ് സൂപ്പറും പൗർണ്ണമിയും എന്ന ചിത്രത്തിൽ അഭിനയിച്ചിരുന്നു. മാത്രമല്ല താരത്തിന് ഇൻസ്റ്റാഗ്രാമിൽ 1 മില്യണിൽ അധികം ഫോളോവേഴ്സുമുണ്ട്.