വിർജീനിയ ലോട്ടറി(Virginia Lottery) ചരിത്രത്തിലെ ഏറ്റവും വലിയ ജാക്ക്‌പോട്ട് സമ്മാനത്തുക കരസ്ഥമാക്കിയത് പേര് വെളിപ്പെടുത്താത്ത ഒരു ഭാ​ഗ്യശാലി. 348 ദശലക്ഷം ഡോളർ (ഏകദേശം 2,900 കോടി രൂപ) സമ്മാനം നേടിയ ഈ അജ്ഞാതൻ്റെ ആഗ്രഹം കേട്ടാൽ നിങ്ങൾ ശരിക്കും അത്ഭുതപ്പെടും!

ജൂൺ 27-ന് നടന്ന മെഗാ മില്യൺസ് നറുക്കെടുപ്പിലാണ് ഒറ്റ ടിക്കറ്റിലൂടെ ഇയാൾ കോടീശ്വരനായത്. ബർഗസിലെ ഒരു കടയിൽ നിന്നാണ് ഈ ടിക്കറ്റ് വാങ്ങിയത്. സമ്മാനത്തുക ഉപയോഗിച്ച് എന്ത് ചെയ്യാനാണ് പദ്ധതിയെന്ന് ലോട്ടറി ഉദ്യോഗസ്ഥർ ചോദിച്ചപ്പോൾ, "ഒരു പുല്ല് മുറിക്കുന്ന യന്ത്രം വാങ്ങണം" എന്നായിരുന്നു മറുപടി.

ഈ തുക 30 വർഷം കൊണ്ട് ഗഡുക്കളായി വാങ്ങാനോ, അതല്ലെങ്കിൽ 155.6 ദശലക്ഷം ഡോളർ നികുതി കഴിച്ച് ഒറ്റത്തവണയായി വാങ്ങാനോ അവസരമുണ്ടായിരുന്നു. വിജയി രണ്ടാമത്തെ ഓപ്ഷൻ തിരഞ്ഞെടുത്ത് പണം ഒറ്റയടിക്ക് കൈപ്പറ്റി.

2002-ൽ ആരംഭിച്ച മെഗാ മില്യൺസ് ലോട്ടറിയിൽ വിർജീനിയയിൽ ലഭിക്കുന്ന പത്താമത്തെ ഏറ്റവും വലിയ ജാക്ക്‌പോട്ടാണ് ഇത്. ലോട്ടറിയിൽ നിന്ന് ലഭിക്കുന്ന മുഴുവൻ ലാഭവും അവിടുത്തെ സർക്കാർ സ്കൂളുകളുടെ വികസനത്തിനായാണ് ഉപയോഗിക്കുന്നത്.