ബോളിവുഡിലെ ഏറെ ആരാധകരുള്ള താരദമ്പതികളാണ് അഭിഷേക് ബച്ചനും ഐശ്വര്യ റായിയും. താരങ്ങളെ ചുറ്റിപ്പറ്റി എപ്പോഴും ഗോസിപ്പുകളും എത്താറുണ്ട്. ബച്ചൻ കുടുംബത്തിലെ മരുമകൾ ആയതിനാൽ തന്നെ ഐശ്വര്യ റായിയുടെ ജീവിതത്തിലേക്ക് എത്തി നോക്കാൻ പാപ്പരാസികൾക്കും ഏറെ താല്പര്യമാണ്.

2007 ഏപ്രിൽ 20നാണ് അഭിഷേകും ഐശ്വര്യം തമ്മിലുള്ള വിവാഹം കഴിഞ്ഞത്. ഇരുവർക്കും ആരാധ്യ ബച്ചൻ എന്ന ഒരു മകളും ഉണ്ട്. താരദമ്പതികൾ എവിടെ പ്രത്യക്ഷപ്പെട്ടാലും ഇരുവർക്കും നേരെ ക്യാമറ കണ്ണുകളുമായി പാപ്പരാസികളും ഓടിയെത്തും. ഈ വർഷങ്ങൾക്കിടയിൽ തന്നെ നിരവധി തവണ ഇരുവരും ബന്ധം വേർപിരിഞ്ഞുവെന്നു തുടങ്ങി ബച്ചൻ കുടുംബത്തിൽ ഐശ്വര്യ ഏറെ ദുഃഖിതയാണെന്നും തരത്തിൽ വാർത്തകൾ എത്താറുണ്ട്.

എന്നാൽ ഈ ഗോസിപ്പുകൾ എല്ലാം മറികടന്ന് ഇരുവരും ഇപ്പോഴും ഒന്നിച്ചു ജീവിക്കുന്നു എന്നതാണ് യാഥാർത്ഥ്യം. ഇപ്പോഴിതാ ഐശ്വര്യ റായി പറഞ്ഞ ഒരു കാര്യമാണ് ശ്രദ്ധയാകുന്നത്. 2014 പുറത്തിറങ്ങിയ ഷാരൂഖ് ഖാൻ ചിത്രം ആയ ഹാപ്പി ന്യൂ ഇയറിൽ താനായിരുന്നു നായികാ വേഷത്തിൽ എത്തേണ്ടിയിരുന്നത്.

കോമഡി ത്രില്ലറായ 'ഹാപ്പി ന്യൂ ഇയറിൽ' ഷാരൂഖ് ഖാൻ, അഭിഷേക് ബച്ചൻ, വിവാൻ ഷാ, സോനു സൂദ്, ബോമൻ ഇറാനി എന്നിവരാണ് താരങ്ങളായി എത്തിയത്. ഐശ്വര്യ റായ് കഥാപാത്രം നിരസിച്ചതോടെ മോഹിനി എന്ന കഥാപാത്രമായി ചിത്രത്തിൽ പകരമെത്തിയത് ദീപിക പദുക്കോണാണ്. ഒരു അഭിമുഖത്തിലാണ് ഐശ്വര്യ റായ് ബച്ചൻ ഇക്കര്യത്തെ കുറിച്ച് സംസാരിച്ചത്.

'ഹാപ്പി ന്യൂ ഇയർ' എന്ന ചിത്രത്തിൽ തനിക്ക് നായികയാകാൻ അവസരം ലഭിച്ചിരുന്നുവെന്നും, എന്നാൽ താൻ അത് ഒഴിവാക്കേണ്ടി വന്നുവെന്നും വന്നുവെന്നും അവർ പറഞ്ഞു. നായകൻ അഭിഷേക് അല്ലാത്തതിനാലാണ് ഐശ്വര്യ ആ സിനിമ വേണ്ടെന്നു വെച്ചത്. ആ ചിത്രത്തിൽ അഭിനയിച്ചിരുന്നെങ്കിൽ ഭർത്താവ് അഭിഷേകിനൊപ്പം സമയം ചെലവഴിക്കാൻ നല്ല അവസരം ലഭിച്ചേനെയെന്നും താരം പറയുന്നു.