കുവൈത്തിൽ വ്യാജമദ്യം കഴിച്ച് മലയാളികളടക്കം 10 പേർ മരിച്ചതായി റിപ്പോർട്ട്. നിരവധി പേർ ആശുപത്രിയിൽ ചികിത്സയിൽ തുടരുന്നതായാണ് വിവരം. പലർക്കും കാഴ്ച നഷ്ടമായെന്നാണ് ആശുപത്രിവൃത്തങ്ങൾ അറിയിച്ചത്.

അതേസമയം മരണസംഖ്യ ഔദ്യോഗികമായി സ്ഥിരീകരിച്ചിട്ടില്ല. നിർമാണത്തൊഴിലാളികളാണ് വ്യാജമദ്യ ദുരന്തത്തിനിരയായത്. കഴിഞ്ഞ ഒരാഴ്ചയ്ക്കിടെ വ്യാജ മദ്യം കഴിച്ചവരാണ് അപകടത്തിൽപെട്ടത്. മരിച്ചവരിൽ തമിഴ്നാട് സ്വദേശികളും ഉണ്ടെന്നാണ് ലഭിക്കുന്ന റിപ്പോർട്ട്.

ഫർവാനി, ആദാൻ ആശുപത്രികളിൽ ചികിത്സയിലുള്ള പലരുടെയും നില അതീവഗുരുതരമാണ്. സമ്പൂർണ മദ്യനിരോധനമുള്ള രാജ്യമാണ് കുവൈത്ത്. അനധികൃത വാറ്റുകാരാണ് ഇവിടെ മദ്യം വിതരണം ചെയ്യുന്നത്.