വഞ്ചന കേസിൽ നടൻ നിവിൻ പോളിക്കും സംവിധായകൻ എബ്രിഡ് ഷൈനിനുമെതിരായ നടപടികൾ ഹൈക്കോടതി സ്റ്റേ ചെയ്തു. 1.9 കോടി രൂപ വഞ്ചിച്ചു എന്ന കേസിൽ വൈക്കം മെജിസ്ട്രേറ്റ് സ്റ്റേറ്റ് കോടതിയുടെ നടപടികൾക്കാണ് ഹൈക്കോടതി സ്റ്റേ.

'മഹാവീര്യർ' ചിത്രത്തിന്റെ സഹനിർമ്മാതാവ് പി എസ് ഷംനാസിന്റെ പരാതിയിലാണ് നിവിൻപോളിയ്ക്കും എബ്രിഡ് ഷൈനിനും എതിരെ പോലീസ് കേസെടുത്തിരുന്നത്. ഷംനാസിൽ നിന്നും പണം വാങ്ങിയ കാര്യം മറച്ചുവെച്ച് ആക്ഷൻ ഹീറോ ബിജുവിന്റെ വിതരണ അവകാശം മറ്റൊരാൾക്ക് നൽകി എന്നായിരുന്നു പരാതി.

കോട്ടയം തലയോലപ്പറമ്പ് പോലീസ് രജിസ്റ്റർ ചെയ്ത വഞ്ചന കേസ് റദ്ദാക്കണമെന്ന് ആവശ്യപ്പെട്ട് നിവിൻപോളിയും സംവിധായകനും സമർപ്പിച്ച ഹർജിയിലാണ് ഹൈക്കോടതി നടപടി സ്വീകരിച്ചത്.

മഹാവീര്യർ ചിത്രത്തിന്റെ സഹനിർമ്മാതാവായ പി.എസ് ഷംനാസ് ആണ് ഇരുവർക്കും എതിരെ വഞ്ചന കുറ്റത്തിന് പരാതി നൽകിയത്. പിന്നാലെ ജാമ്യമില്ല വകുപ്പ് പ്രകാരം നിവിൻ പോളിക്കും സംവിധായകനും എതിരെ കേസെടുക്കുകയും പോലീസ് നോട്ടീസ് അയക്കുകയും ചെയ്തു.