ആലപ്പുഴ: നടി ശ്വേതാ മേനോന് എതിരെയുള്ള കേസ് നിലനിൽക്കില്ലെന്ന് മന്ത്രി സജി ചെറിയാൻ. അങ്ങനെയുള്ള കുറ്റമൊന്നും ശ്വേതാ ചെയ്തിട്ടില്ലെന്നും സമ്പത്തിനുവേണ്ടി അവർ അങ്ങനെ ചെയ്യുമെന്ന് സമൂഹം വിശ്വസിക്കുന്നില്ലെന്നും മന്ത്രി ആലപ്പുഴയിൽ പറഞ്ഞു.

അമ്മയുടെ പ്രസിഡന്റ് സ്ഥാനത്തേക്ക് ശ്വേതാ മേനോൻ മത്സരിക്കുന്നത് ഇഷ്ടപ്പെടാത്തവർ ആയിരിക്കാം ഇങ്ങനെയൊരു കാര്യം ചെയ്തതെന്നും, മികച്ച നടിയും മലയാള സിനിമയ്ക്ക് ഒരുപാട് സംഭാവനകൾ നൽകിയ കരുത്തുറ്റ സ്ത്രീയുമാണ് ശ്വേത മേനോൻ എന്നും മന്ത്രി സജി ചെറിയാൻ.

സിനിമ മേഖലയിൽ സ്ത്രീകൾ ഭാരവാഹികളായി വരട്ടെ. സ്ത്രീകൾക്ക് പ്രാധാന്യം നൽകണമെന്നാണ് തന്റെയും അഭിപ്രായം. അമ്മ സംഘടനക്കുള്ളിലുള്ള പ്രശ്നങ്ങൾ അവർ തന്നെ ചർച്ച ചെയ്ത് പരിഹരിക്കണമെന്നും മന്ത്രി കൂട്ടിച്ചേർത്തു. അശ്ലീല രംഗങ്ങളിൽ അഭിനയിച്ച് പണം സമ്പാദിച്ചുവെന്നാണ് ശ്വേത മോനോനെതിരായ പരാതി.