അടുത്ത ഇന്ത്യൻ പ്രീമിയർ ലീഗിൽ മലയാളി താരം സഞ്ജു സാംസണെ ടീമിലെത്തിക്കാനുള്ള ചെന്നൈ സൂപ്പർ കിങ്സിന്റെ മോഹങ്ങൾക്ക് കനത്ത തിരിച്ചടിയേറ്റിരിക്കുകയാണ്. എന്ത് വില കൊടുത്തും സഞ്ജു രാജസ്ഥാൻ വിടുന്നതു തടയാനാണ് ടീം മാനേജ്മെന്റിന്റെ തീരുമാനം. സഞ്ജുവിനെ വിൽക്കാൻ രാജസ്ഥാന് താൽപര്യമില്ലെങ്കിൽ, അടുത്ത സീസണിലും മലയാളി താരം തന്നെ റോയൽസിന്റെ ക്യാപ്റ്റനാകും. 18 കോടി രൂപയ്ക്കാണ് കഴിഞ്ഞ സീസണിന് മുൻപ് സഞ്ജുവിനെ രാജസ്ഥാൻ നിലനിർത്തിയത്.