ബീജിം​ഗിൽ നടന്ന ഹാഫ് മാരത്തണിൽ മനുഷ്യരായ കായികതാരങ്ങളെ പിന്തള്ളി ലോക റെക്കോർഡ് തകർത്ത് ഹ്യുമനോയിഡ് റോബോട്ട്. ചൈനീസ് സ്മാർട്ട്ഫോൺ നിർമ്മാതാക്കളായ ഹോണറിന് വേണ്ടി മത്സരിച്ച റോബോട്ട് 21 കിലോമീറ്റർ ദൂരം വെറും 50 മിനിറ്റും 26 സെക്കന്റും കൊണ്ട് ഓടി തീർത്താണ് ചരിത്രത്തിൽ ഇടം നേടിയത്. ഇതോടെ ഉഗാണ്ടൻ താരം ജേക്കബ് കിപ്ലിമോയുടെ പേരിലുള്ള 57 മിനിറ്റ് 20 സെക്കൻഡ് എന്ന നിലവിലെ ലോക റെക്കോർഡ് ആണ് തിരുത്തി കുറിച്ചത്.