വാഷിംഗ്ടൺ: ബ്യൂറോ ഓഫ് ലേബർ സ്റ്റാറ്റിസ്റ്റിക്സ് (ബിഎൽഎസ്) തലവനായി സാമ്പത്തിക ശാസ്ത്ര‍ജ്ഞൻ ഇ.ജെ. ആന്റണിയെ പ്രസിഡന്റ് ഡൊണാൾഡ് ട്രംപ് തിരഞ്ഞടുത്തു. തൊഴിൽ വിപണിയിലെ ദുർബലമായ തൊഴിൽ ഡാറ്റയെ തുടർന്ന് ഏജൻസിയുടെ മുൻ മേധാവിയെ പുറത്താക്കിയതിനു പിന്നാലെയാണ് ഇ.ജെ. ആന്റണിയെ പുതിയ തലവനായി നോമിനേറ്റ് ചെയ്തത്. ഹെറിറ്റേജ് ഫൗണ്ടേഷനിലെ ഫെഡറൽ ബജറ്റ് അനലിസ്റ്റാണ് ആന്റണി.

തന്റെ ഭരണത്തിൽ സമ്പദ് വ്യവസ്ഥ കുതിച്ചുയരുകയാണെന്നും, ആന്റണി പുറത്തുവിടുന്ന കണക്കുകൾ കൃത്യമായതും സത്യസന്ധവും ആയിരിക്കുമെന്ന് ഉറപ്പുവരുത്തുന്നതിനു വേണ്ട നടപടികൾ കൈക്കൊള്ളുമെന്നും ട്രംപ് തന്റെ സോഷ്യൽ മീഡിയ പ്ലാറ്റ്ഫോം ആയ ട്രൂതിൽ കുറിച്ചു.

മുൻപ് തന്നെ മോശമായി ചിത്രീകരിക്കുന്നതിന് വേണ്ടി തൊഴിൽ കണക്കുകളിൽ കൃത്രിമത്വം കാണിച്ചുവെന്നാരോപിച്ച ബിഎല്‍എസ് കമ്മീഷണർ മെറിക്ക എന്റർഫറെ സ്ഥാനത്തുനിന്ന് നീക്കിയിരുന്നു. ഇത് സാമ്പത്തിക വിദഗ്ധരുടെ രൂക്ഷ വിമർശത്തിനാണ് ഇടയാക്കിയത്. അതേസമയം ട്രംപിന്റെ ഈ നിയമനത്തിന് യുഎസ് സെനറ്റിന്റെ അംഗീകാരം ലഭിക്കേണ്ടതുണ്ട്. സെനറ്റിൽ ഭൂരിപക്ഷമുള്ള പാർട്ടിയാണ് ഡൊണാൾ ട്രംപിന്റെത്.

(Summary: President Donald Trump has nominated economist E.J. Antony to head the Bureau of Labor Statistics (BLS). E.J. Antony was nominated to lead the agency after the agency's previous chief was fired over weak job data.)