ഗൾഫുഡ് മേളയിൽ പുതിയ ഉൽപ്പന്നങ്ങളുമായി കമ്പനികൾ; ഇന്ത്യൻ വിഭവങ്ങൾക്ക് സ്വീകാര്യത
ദുബൈ: ഭക്ഷ്യമേഖലയിലെ മാറ്റം മുന്നിൽക്കണ്ട് ആവിഷ്കരിച്ച നിരവധി ഉൽപ്പന്നങ്ങളാണ് ഗൾഫുഡ് മേളയിൽ കമ്പനികൾ അവതരിപ്പിക്കുന്നത്.
ഭക്ഷ്യമേഖല മാത്രമല്ല, അഭിരുചികളും മാറുകയാണ്. കോക്കനട്ട് പേസ്റ്റ് മുതൽ മിക്സ്ചർ ഉൽപ്പന്നങ്ങൾ വരെ പുതിയ പാക്കിങ്ങിലും രീതിയിലും തയാറാക്കുകയാണ് കമ്പനികൾ.
അൽ റവാബിയുടെ പുതിയ ഏ 2 മിൽക്ക് ഉൾപ്പടെയുള്ളവക്ക് മികച്ച സ്വീകാര്യതയാണ് മേളയിൽ ലഭിക്കുന്നത്. ആർ.കെ.ജി ഉൽപന്നങ്ങൾക്കായി ഇത്തവണയും ഗൾഫുഡിൽ സ്റ്റാൾ ഒരുക്കിയിട്ടുണ്ട്.
ആർ.ജി ഫുഡ്സും ഗൾഫുഡ് മേളയിൽ വലിയ പ്രതീക്ഷയാണ് അർപ്പിക്കുന്നത്. ഇന്ത്യക്ക് പുറമെ തുർക്കി ഉൾപ്പെടെയുള്ള രാജ്യങ്ങളിൽ നിന്നും വൻതോതിൽ കമ്പനികളാണ് ഗൾഫുഡ് മേളയ്ക്കെത്തിയിരിക്കുന്നത്.