പ്രതിപക്ഷ ഉപനേതാവ് പദവിയിൽ നിന്നും പിന്നോട്ടില്ല എന്ന് സിപിഐ. സിപിഐ സംസ്ഥാന സെക്രട്ടറിയേറ്റിൽ ആണ് തീരുമാനം വ്യക്തമാക്കിയത്.സിപിഐഎമ്മിന് മുൻപിൽ പാർട്ടി അഭിമാനം പണയം വെയ്ക്കേണ്ടതില്ല. വിട്ടുവീഴ്ച ചെയ്ത് ഭരണം നിലനിർത്തേണ്ട സാഹചര്യമില്ലെന്നും സിപിഐ വ്യക്തമാക്കി. പ്രതിപക്ഷ നേതാവ് കൂടാതെ പ്രതിപക്ഷ ഉപ നേതാവ് എന്ന ഒരു ചർച്ച ഇപ്പോൾ സിപിഐ ചർച്ച ചെയ്യാൻ തുടങ്ങിയിട്ട് ദിവസങ്ങളായി. എന്നാൽ അങ്ങനെ ഒരു സ്ഥാനത്തിന്റെ ആവശ്യമില്ല എന്നായിരുന്നു പാർട്ടി സെക്രട്ടറി എം വി ഗോവിന്ദൻ പ്രതികരണം നടത്തിയത്.ഇടതുപക്ഷ ഐക്യം തന്നെയാണ് ഏറ്റവും പ്രധാനപ്പെട്ടത്.

കണ്ണൂർ എഡിഎം ആയിരുന്ന നവീൻ ബാബുവിന്റെ മരണത്തിൽ അന്വേഷണം സിബിഐക്ക് വിടുന്നതിന് കേന്ദ്ര സർക്കാരിനോട് ശിപാർശ ചെയ്യാൻ തീരുമാനിച്ചതായി മുഖ്യമന്ത്രി വി ഡി സതീശൻ പത്രസമ്മേളനത്തിൽ അറിയിച്ചു. ഇന്നു ചേർന്ന മന്ത്രിസഭായോഗത്തിലാണ് തീരുമാനം. നവീൻ ബാബുവിന്റെ മകൾ നിരഞ്ജന നായർക്ക് ആശ്രിത നിയമനം നൽകാനും ക്യാബിനറ്റ് തീരുമാനിച്ചു.

മഞ്ഞുമ്മൽ ബോയ്സ് സാമ്പത്തിക തട്ടിപ്പ് കേസിൽ ക്രൈം ബ്രാഞ്ച് കുറ്റപത്രം സമർപ്പിച്ചു. എറണാകുളം പ്രിൻസിപ്പൽ സെഷൻസ് കോടതിയിലാണ് ആയിരം പേജുള്ള കുറ്റപത്രം സമർപ്പിച്ചത്.നടൻ സൗബിൻ ഷാഹിർ, പിതാവ് ബാബു ഷാഹിർ, ഷോൺ ആന്റണി എന്നിവരാണ് പ്രതികൾ. മഞ്ഞുമ്മൽ ബോയ്സ് സിനിമയുടെ ലാഭത്തിന്റെ 40% നൽകാമെന്ന് കാണിച്ച് പ്രതികൾ ഏഴു കോടി രൂപ കൈപ്പറ്റിയശേഷം ലാഭവിഹിതവും മുതൽമുടക്ക് പോലും നൽകാതെ വഞ്ചിച്ചു എന്നുമാണ് അരൂർ സ്വദേശി സിറാജ് വലിയവീട്ടിൽ ഹമീദ് നൽകിയ പരാതിയിലാണ് കുറ്റപത്രം സമർപ്പിച്ചത്.

ഇറാനിയൻ ഡ്രോണുകൾ വൻതോതിൽ കേടുപാടുകൾ വരുത്തുകയും ഒരാൾ കൊല്ലപ്പെടുകയും ചെയ്തതിനെ തുടർന്ന് ബുധനാഴ്ച കുവൈറ്റ് രാജ്യത്തെ പ്രധാന വിമാനത്താവളം താൽക്കാലികമായി അടച്ചു. ടെഹ്‌റാനും വാഷിംഗ്ടണും നടത്തിയ തുടർച്ചയായ ആക്രമണങ്ങളുടെ ഏറ്റവും പുതിയ ആക്രമണമാണിത്. ദുർബലമായ വെടിനിർത്തൽ ധാരണയ്ക്ക് ശേഷം ടെഹ്‌റാനും വാഷിംഗ്ടണും നടത്തിയ തുടർച്ചയായ ആക്രമണങ്ങളുടെ തുടർച്ചയാണിത്.

ഇന്ത്യയിലെ വായ്പകളുടെയും പദ്ധതികളുടെയും പലിശ നിരക്ക് നിർണ്ണയിക്കുന്ന പ്രധാന ഘടകമാണ് റിപ്പോ നിരക്ക് . റിസർവ് ബാങ്ക് ഓഫ് ഇന്ത്യ (ആർ‌ബി‌ഐ) ആണ് റിപ്പോ നിരക്ക് നിർണ്ണയിക്കുന്നത് . ഓരോ തവണയും മോണിറ്ററി പോളിസി കമ്മിറ്റി യോഗം ചേരുമ്പോൾ, റിപ്പോ നിരക്കിനെക്കുറിച്ചുള്ള നിലപാട് അവർ പ്രഖ്യാപിക്കുന്നു. ഇക്കാര്യത്തിൽ, റിസർവ് ബാങ്ക് ഓഫ് ഇന്ത്യ 2026 ജൂൺ 05 ന് റിപ്പോ നിരക്ക് പ്രഖ്യാപിക്കാൻ പോകുന്നു. ഈ സാഹചര്യത്തിൽ, റിപ്പോ നിരക്ക് വർദ്ധിപ്പിക്കാതെ അതേ നിലയിൽ നിലനിർത്താൻ ആർ‌ബി‌ഐ പദ്ധതിയിടുന്നുവെന്ന് വ്യാപകമായി പറയപ്പെടുന്നു. ഇത് വിശദമായി നോക്കാം.

തമിഴ്നാട്ടിൽ ഒഴിവുവരുന്ന രാജ്യസഭാ സീറ്റ് കോൺഗ്രസിന് സംവരണം ചെയ്യുമെന്ന് മുഖ്യമന്ത്രി വിജയ് പ്രഖ്യാപിച്ചു. 2026 ജൂൺ 18 ന് തമിഴ്‌നാട്ടിൽ നിന്ന് തിരഞ്ഞെടുക്കപ്പെടുന്ന രാജ്യസഭാ സീറ്റ് കോൺഗ്രസിന് സംവരണം ചെയ്തിട്ടുണ്ടെന്ന് അദ്ദേഹം തന്റെ പോസ്റ്റിൽ പറഞ്ഞു.തമിഴ്നാട്ടിൽ ഒഴിവുള്ള രാജ്യസഭാ സീറ്റ് സംബന്ധിച്ച് കോൺഗ്രസ് പാർട്ടിയുടെ മുതിർന്ന ചുമതലയുള്ള ഗിരീഷ് ചോഡങ്കർ മുഖ്യമന്ത്രി വിജയ്‌യെ കണ്ടു.