ന്യൂയോർക്ക്: സിറ്റിയിലെ തിരക്കേറിയ ഒരു ക്ലബ്ബിൽ ഞായറാഴ്ച പുലർച്ചെയുണ്ടായ വെടിവയ്പ്പിൽ മൂന്ന് പേർ കൊല്ലപ്പെടുകയും എട്ട് പേർക്ക് പരിക്കേൽക്കുകയും ചെയ്തു. ബ്രൂക്ലിനിൽ, ക്രൗൺ ഹൈറ്റ്സ് പരിസരത്തുള്ള ലോഞ്ചിൽ നടന്ന വെടിവയ്പ്പിൽ മൂന്ന് പുരുഷന്മാരാണ് കൊല്ലപ്പെട്ടത്.
വെടിവയ്പ്പിൽ പരിക്കേറ്റ എട്ട് പുരുഷന്മാരും മൂന്ന് സ്ത്രീകളും ആശുപത്രികളിൽ ചികിത്സയിലാണ്. ഇവർ 27 നും 61 നും ഇടയിൽ പ്രായമുള്ളവരാണ്.
വെടിവയ്പ്പ് ആരംഭിച്ചപ്പോൾ നിരവധി ആളുകളാണ് റസ്റ്റോറന്റിൽ ഉണ്ടായിരുന്നത്.
നിലവിൽ ആരെയും അറസ്റ്റ് ചെയ്തിട്ടില്ല. വെടിവയ്പ്പിനെക്കുറിച്ച് കൂടുതൽ വിവരങ്ങൾ പൊലീസ് അന്വേഷിച്ചുവരികയാണ്. തിരക്കേറിയ ക്ലബിൽ ആളുകൾ തമ്മിലുണ്ടായ തർക്കമാണ് വടവെയ്പ്പിലേക്ക് നയിച്ചതെന്ന് അന്വേഷണ ഉദ്യോഗസ്ഥർ പ്രതികരിച്ചു.



