യുഎസിലെ ഹിന്ദു ക്ഷേത്രത്തിന് നേരെ വീണ്ടും ആക്രമണം. ഇന്ത്യാനയിലെ ഗ്രീൻവുഡിലുള്ള ബാ​പ്സ് സ്വാ​മി​നാ​രാ​യ​ൺ ക്ഷേ​ത്ര​ത്തിനു(BAPS Swaminarayan Temple) നേരെയാണ് ആക്രമണം നടന്നത്. ഒരു വർഷത്തിനുള്ളിൽ ഈ ക്ഷേത്രത്തിനു നേരെ നടക്കുന്ന നാലാമത്തെ ആക്രമണമാണിത്. കർശന നടപടിയെടുക്കണമെന്ന് ഇന്ത്യ ആവശ്യപ്പെട്ടു.

ക്ഷേ​ത്ര​ത്തി​ന്റെ നാ​മ​ഫ​ല​കം അ​ക്ര​മി​ക​ൾ കേ​ടു​വ​രു​ത്തു​ക​യാ​യി​രു​ന്നു. ഓഗസ്റ്റ് 10 ന് രാത്രിയിൽ റിപ്പോർട്ട് ചെയ്യപ്പെട്ട ഈ സംഭവം, ഖാലിസ്ഥാൻ അനുകൂല വിഘടനവാദികൾ നടത്തിയെന്നാണ് സൂചന. ക്ഷേത്രഭിത്തികളിൽ ഇന്ത്യാ വിരുദ്ധ ചുവരെഴുത്തുകളും അക്രമകാരികൾ നടത്തി.

ഇവയുടെ ദൃശ്യങ്ങൾ ഹിന്ദു അമേരിക്കൻ ഫൗണ്ടേഷൻ (Hindu American Foundation) സോഷ്യൽ മീഡിയയിൽ പങ്കിട്ടു. ഇന്ത്യയ്ക്കും പ്രധാനമന്ത്രി നരേന്ദ്ര മോദിക്കുമെതിരായ മുദ്രാവാക്യങ്ങളാണ് ഫലകങ്ങളിൽ എഴുതിച്ചേർത്തിരിക്കുന്നത്. സംഭവത്തിൽ ഷിക്കാഗോയിലെ കോൺസുലേറ്റ് ജനറൽ ശക്തമായി അപലപിച്ചു.

ക​ഴി​ഞ്ഞ മാ​ർ​ച്ചി​ൽ കാ​ലി​ഫോ​ർ​ണി​യ​യി​ലെ ബാ​പ്സ് ക്ഷേ​ത്രം ആ​ക്ര​മി​ക്ക​പ്പെ​ട്ടി​രു​ന്നു. ചിക്കാഗോയിലെ ഇന്ത്യൻ കോൺസുലേറ്റ് ജനറൽ, പ്രാദേശിക സമൂഹവുമായും നിയമ നിർവ്വഹണ ഏജൻസികളുമായും ബന്ധപ്പെട്ടിട്ടുണ്ടെന്ന് അറിയിച്ചു.

ബിഎപിഎസ് സ്വാമിനാരായണ ക്ഷേത്രത്തിന്റെ പ്രധാന സൈൻബോർഡ് അപമാനിച്ചത് അപലപനീയമാണെന്ന് കോൺസുലേറ്റ് പ്രസ്താവനയിൽ അറിയിച്ചു. ഐക്യദാർഢ്യം ആഹ്വാനം ചെയ്യുന്നതിനായി കോൺസൽ ജനറൽ ഭക്തരെയും പ്രാദേശിക നേതാക്കളെയും ഗ്രീൻവുഡ് മേയറെയും സന്ദർശിച്ചു

(Summary: Another attack against Baps Swaminarayan Temple in Greenwood, Indiana. This is the fourth attack on the temple in a year.)