ഫോമാ നാഷണൽ എക്സിക്യൂട്ടീവ് അംഗങ്ങളും നാഷണൽ കമ്മിറ്റി അംഗങ്ങളും, 2026-ലെ ഒമ്പതാമത് ഇന്റർനാഷണൽ ഫാമിലി കൺവൻഷൻ ചെയർമാൻ മാത്യൂസ് മുണ്ടയ്ക്കൽ, ജനറൽ കൺവീനർ സുബിൻ കുമാരൻ, കേരള കൺവൻഷൻ ചെയർമാൻ പീറ്റർ കുളങ്ങര, റീജിയണൽ വൈസ് പ്രസിഡന്റ് ബിജു ലോസൺ, സതേൺ റീജിയണൽ കമ്മിറ്റി ചെയർ രാജേഷ് മാത്യു, നാഷണൽ കമ്മിറ്റി അംഗങ്ങളായ രാജൻ യോഹന്നാൻ, ജിജു കുളങ്ങര, മീഡിയ ചെയർ സൈമൺ വളാച്ചേരിൽ, ഫോമാ സ്ഥാപക പ്രസിഡന്റ് ശശിധരൻ നായർ, സതേൺ റീജിയണിലെ വിവിധ അംഗ സംഘടനകളുടെ പ്രസിഡന്റുമാർ, മറ്റ് ഭാരവാഹികൾ എന്നിവർ ചടങ്ങിൽ പങ്കെടുക്കും.
കേരള കൺവൻഷൻ ഒരുക്കങ്ങൾക്ക് ഇതിനകം 15-ലധികം സ്പോൺസർമാർ സന്നദ്ധത അറിയിച്ചതായി ബേബി മണക്കുന്നേൽ അറിയിച്ചു. ആദ്യ രജിസ്ട്രേഷനും സ്പോൺസർഷിപ്പ് ചെക്കും പ്രസിഡന്റ് സ്വീകരിക്കുന്നതിനോടെയാണ് കിക്ക്-ഓഫ് ചടങ്ങ് ഉദ്ഘാടനം ചെയ്യുക. അമേരിക്കയിലുടനീളം നിന്നുള്ള ഫോമാ കുടുംബാംഗങ്ങളിൽ നിന്ന് കൂടുതൽ രജിസ്ട്രേഷനുകൾ ഓൺലൈൻ മുഖേന സ്വീകരിക്കും. ഫോമാ കേരള കൺവൻഷൻ ഭംഗിയായി വിജയിപ്പിക്കാൻ എല്ലാവരും ഒരുമിച്ച് പ്രവർത്തിക്കണമെന്ന് പ്രസിഡന്റ് ബേബി മണക്കുന്നേൽ, ജനറൽ സെക്രട്ടറി ബൈജു വർഗീസ്, ട്രഷറർ സിജിൽ പാലക്കലോടി, വൈസ് പ്രസിഡന്റ് ഷാലൂ പുന്നൂസ്, ജോയിന്റ് സെക്രട്ടറി പോൾ പി. ജോസ്, ജോയിന്റ് ട്രഷറർ അനുപമ കൃഷ്ണൻ എന്നിവർ അഭ്യർത്ഥിച്ചു.
കേരളത്തിന്റെ അക്ഷരനഗരമായ കോട്ടയമാണ് ഇത്തവണത്തെ ഫോമാ കേരള കൺവൻഷന് വേദിയാകുന്നത്. കുമരകത്തേക്കുള്ള പ്രവേശന കവാടമായ ഡൗൺടൗൺ ഡീലക്സ് ഹോട്ടൽ വിൻഡ്സർ കാസിൽ-ൽ 2026 ജനുവരി 9-ന് പരിപാടി ആരംഭിക്കും. വിവിധ സെമിനാറുകളും സെഷനുകളും, ചാരിറ്റി പ്രവർത്തനങ്ങളുടെ ഉദ്ഘാടനം, സമാപന സമ്മേളനം എന്നിവയും അന്നേ ദിവസം നടക്കും.